Псалтыр 66 псалом
Псалтыр
Пераклад Васіля Сёмухі → Пераклад Чарняўскага 2012
Кіроўцу хору. На струнных інструмэнтах. Псальма. Песьня.
Кіраўніку хору. На струнах. Псальм. Песня.
Божа! будзь літасьцівы да нас і дабраславі нас, асьвятлі нас абліччам Сваім,
Хай злітуецца Бог над намі і падабраславіць нас; хай пралье святло аблічча Свайго над намі,
каб мы спазналі на зямлі дарогу Тваю, ва ўсіх народах выратаваньне Тваё.
каб пазналі на зямлі шлях Твой, між усіх народаў — збаўленне Тваё.
Хай уславяць народы Цябе, Божа; хай уславяць усе народы Цябе.
Хай вызнаюць Цябе народы, Божа; хай вызнаюць Цябе народы ўсе.
Хай весяляцца і радуюцца плямёны; бо Ты судзіш народы справядліва і кіруеш на зямлі плямёнамі.
Хай весяляцца і радуюцца народы, бо Ты судзіш народы ў справядлівасці і кіруеш людам на зямлі.
Хай уславяць народы Цябе, Божа, хай уславяць усе народы Цябе.
Хай вызнаюць Цябе народы, Божа, хай вызнаюць Цябе народы ўсе.
Зямля дала плод свой: хай дабраславіць нас Бог, Бог наш.
Зямля дала плод свой; хай дабраславіць нас Бог, Бог наш,
Хай дабраславіць нас Бог, і хай збаяцца Яго ўсе межы зямлі.
хай дабраславіць нас Бог, і няхай баяцца Яго ўсе канцы зямлі.
