Псалтыр 135 псалом
Псалтыр
Пераклад Васіля Сёмухі → Пераклад Чарняўскага 2012
Алілуя. Слаўце Госпада, бо Ён добры, бо вечная ласка Яго.
Алілуя. Вызнавайце Госпада, бо Ён добры, бо Яго міласэрнасць вечная.
Слаўце Бога багоў, бо вечная ласка Яго.
Вызнавайце Бога над багамі, бо Яго міласэрнасць вечная.
Слаўце Госпада ўладароў, бо вечная ласка Яго.
Вызнавайце Госпада над валадарамі, бо Яго міласэрнасць вечная.
Таго, Які адзін творыць цуды вялікія, бо вечная ласка Яго;
Ён адзін учыніў цуды вялікія, бо Яго міласэрнасць вечная.
Які мудра стварыў нябёсы, бо вечная ласка Яго;
Ён стварыў нябёсы прамудра, бо Яго міласэрнасць вечная
уцьвердзіў зямлю на водах, бо вечная ласка Яго;
Ён распасцёр зямлю над водамі, бо Яго міласэрнасць вечная.
стварыў сьвяцілы вялікія, бо вечная ласка Яго;
Ён стварыў свяцілы вялікія, бо Яго міласэрнасць вечная;
сонца — на кіраваньне днём, бо вечная ласка Яго;
сонца, каб днём кіравала, бо Яго міласэрнасць вечная.
месяц і зоркі — на кіраваньне ноччу, бо вечная ласка Яго;
месяц і зоры, каб кіравалі ноччу, бо Яго міласэрнасць вечная.
пабіў Егіпет у першынцах ягоных, бо вечная ласка Яго;
Ён пабіў Егіпет у першародных яго, бо Яго міласэрнасць вечная.
вывеў Ізраіля з асяродзьдзя яго, бо вечная ласка Яго;
Ён вывеў Ізраэля з асяроддзя іх, бо Яго міласэрнасць вечная;
рукою моцнаю і мышцаю прасьцёртаю, бо вечная ласка Яго;
магутнай далонню і шырокай рукою, бо Яго міласэрнасць вечная.
разьвёў Чэрмнае мора, бо вечная ласка Яго;
Ён Чырвонае мора падзяліў на часткі, бо Яго міласэрнасць вечная.
і правёў Ізраіля пасярод яго, бо вечная ласка Яго;
І правёў Ізраэля пасярод яго, бо Яго міласэрнасць вечная.
і скінуў фараона і войска ягонае ў Чэрмнае мора, бо вечная ласка Яго;
Ён скінуў фараона і сілу яго ў мора, бо Яго міласэрнасць вечная.
правёў народ Свой цераз пустыню, бо вечная ласка Яго;
Ён правёў народ Свой праз пустыню, бо Яго міласэрнасць вечная.
пабіў цароў вялікіх, бо вечная ласка Яго;
Ён пабіў цароў вялікіх, бо Яго міласэрнасць вечная.
і забіў цароў моцных, бо вечная ласка Яго;
Ён пабіў цароў магутных, бо Яго міласэрнасць вечная.
Сігона, цара Амарэйскага, бо вечная ласка Яго;
Сэгона, цара амарэяў, бо Яго міласэрнасць вечная.
і Ога, цара Васанскага, бо вечная ласка Яго;
І Ога, цара Басана, бо Яго міласэрнасць вечная.
і аддаў зямлю іхнюю ў спадчыну, бо вечная ласка Яго;
І аддаў зямлю іх у спадчыну, бо Яго міласэрнасць вечная.
у спадчыну Ізраілю, рабу Свайму, бо вечная ласка Яго;
У спадчыну Ізраэлю, слузе Свайму, бо Яго міласэрнасць вечная.
спамянуў нас у прыніжэньні нашым, бо вечная ласка Яго;
Ён помніў пра нас у паніжэнні нашым, бо Яго міласэрнасць вечная;
і збавіў нас ад ворагаў нашых, бо вечная ласка Яго;
і адкупіў нас ад непрыяцеляў нашых, бо Яго міласэрнасць вечная.
ежу дае ўсякаму целу, бо вечная ласка Яго.
Ён дае ежу кожнаму целу, бо Яго міласэрнасць вечная.
Слаўце Бога нябёсаў, бо вечная ласка Яго.
Вызнавайце Бога нябеснага, бо Яго міласэрнасць вечная
