Выслоўяў Саламонавых 10 разьдзел
Кніга выслоўяў Саламонавых
Пераклад Яна Станкевіча → Пераклад Чарняўскага 2017
Прыказі Салямонавы. Сын мудры вяселе айца, але сын дурны — цяжар маці сваёй.
Прыпавесці Саламонавы. Мудры сын — радасць бацьку, а бязглузды сын — гора для маці сваёй.
Не даюць карысьці скарбы нягоднасьці, але справядлівасьць вывальняе ад сьмерці.
Ніяк не дапамогуць бязбожныя скарбы, а справядлівасць душу выратуе ад смерці.
Ня дасьць СПАДАР галадаваць душы справядлівага, але меньне нягодных адкіне.
Не пашкодзіць Госпад голадам справядліваму, а хцівасць бязбожнікаў знішчыць.
Леная рука бядніць, а рука ўлеглых багаціць.
Лянівая рука ўтварае беднасць, а рука працавітых падрыхтоўвае багацце.
Зьбіраючы ўлетку — сын мудры, сьпячы ў жніво сын сарамаціць.
Той сын мудры, хто збірае ў жніво, а хто храпе ўлетку — сын шалапутны.
Дабраславенствы на галаву справядлівага, але вусны нягодных пакрывае ўсілства.
Дабраславенні Госпадавы — на галаве справядлівага, а вусны бязбожнікаў хаваюць лютасць.
Памятка справядлівага дабраславёная, а імя нягодных зьвяне.
Памяць справядлівага будзе ў дабраславенні, а імя бязбожнікаў сатлее.
Мудрае сэрца прыйме расказаньні, але пустамлён зваліцца стрым галаву.
Мудры сэрцам прымае пастановы, а бязглузды загіне праз вусны.
Хто ходзе беззаганна, ходзе бясьпечна, але хто выкрыўляе дарогі свае, будзе пазнаны.
Хто ходзіць прама, той ходзіць вечна; а хто крывіць дарогі свае, будзе выкрыты.
Хто міргае ачыма, прычыняе смутак, але пустамлён зваліцца стрым галаву.
Хто міргае вокам, той прынясе боль, а бязглузды вуснамі загубіць.
Вусны справядлівага — жарало жыцьця, але вусны нягодных пакрывае ўсілства.
Вусны справядлівага — крыніца жыцця, а вусны бязбожнікаў хаваюць лютасць.
Ненавісьць раздзьмухае вады, але любосьць пакрывае ўсі грахі.
Нянавісць выклікае сваркі, а любоў пакрывае ўсе грахі.
На вуснах разумнага мудрасьць, але дубец на сьпіне ў тога, каму не стаець мудрасьці.
У вуснах мудрага знаходзіцца мудрасць, а розгі — на спіне таго, хто не мае сэрца.
Мудрыя заховуюць веду, але вусны дурных блізка згубы.
Мудрыя зберагаюць веды, а вусны бязглуздага — блізкія да пагібелі.
Багацьце багатыра — моцнае места ягонае, згуба беднаму — беднасьць ягоная.
Маёмасць багатага — горад крэпасці яго; пагібель бедных — беднасць іх.
Работа справядлівага — на жыцьцё, прыбытак нягоднага — на грэх.
Праца справядлівага — на жыццё, а плады бязбожніка — на грэх.
На дарозе жыцьця тый, хто дбае праз навуку, але хто адхінае ўпікі — блудзе.
Хто беражэ настаўленне — ідзе да жыцця, а хто адхіляе папрокі — блукае.
Хто хавае ненавісьць, у тога манлівыя вусны, і хто пашырае абмову, тый дурны.
Ілжывыя вусны хаваюць нянавісць, а хто зневажае — той неразумны.
У множасьці слоў не перастаець быць выступ, але мудры ўзьдзержуе вусны свае.
У шматслоўнасці не будзе недахопу ў грахах, а той, хто ўтрымлівае вусны свае, — самы разважлівы.
Выборнае срэбра — язык справядлівага, сэрца нягодных — малое.
Мова справядлівага — адборнае срэбра; сэрца ж бязбожнікаў — нічога не вартае.
Вусны справядлівага жывяць шмат каго, але дурныя зь нястачы мудрасьці паміраюць.
Вусны справядлівага павучаюць вельмі многіх; а той, хто бязглузды, памрэ ад беднасці сэрца.
Дабраславенства СПАДАРОВА багаціць і не дабаўляе ніякага смутку сабою.
Дабраславенне Госпада робіць людзей багатымі; і не будзе дабаўлена ім ніякага цяжару.
Гулі дурному рабіць нягоднасьць, але мудрасьць — разумнаму.
Быццам жартам бязглузды робіць злачынства, а мудрасць — для чалавека разважлівага.
Страх нягоднага нойдзе на яго, але жаданьню справядлівых будзе ўчынена досыць.
Чаго баіцца грэшнік, тое і прыйдзе да яго, а жаданне справядлівага здзейсніцца.
Як праходзе віхор, так нямаш нягоднага, але справядлівы — вечны под.
Як праносіцца віхура — так знікне бязбожнік, а справядлівы — як вечны падмурак.
Што воцат зубам і дым ачом, тое лены пасылаючым яго.
Як укус для зубоў і дым для вачэй, так і гультай для тых, што яго паслалі.
Страх СПАДАРА множа дні, гады нягодных будуць скарочаны.
Страх Госпадаў дні памножыць, а гады бязбожнікаў скарацяцца.
Надзея справядлівых — радасьць, а спадзева нягодных загіне.
Чаканне справядлівых — радасць, а надзея бязбожнікаў загіне.
Моц беззаганнаму — дарога СПАДАРОВА, але згуба дзеючым бяспраўе.
Шлях Госпадаў — цвярдыня для чыстых сэрцам і пагібель для тых, хто робіць ліха.
Справядлівы на векі не пахісьнецца, але нягодныя ня будуць жыць на зямлі.
Справядлівы не пахіснецца да веку, а грэшнікі не выжывуць на зямлі.
Вусны справядлівага выказуюць мудрасьць, але манлівы язык будзе адцяты.
Вусны справядлівага спараджаюць мудрасць, язык крывадушны будзе вырваны.
Вусны справядлівага ведаюць, што пажадана, але вусны нягодных крутадушныя.
Вусны справядлівага бачаць прыемнае, а вусны бязбожнікаў — дрэннае.