Вторы Царствъ 14 Вторыи Царствъ 14 разьдзел

¹ Разумея же сее Іоавъ, сынъ Саръвиинъ, иже сердце царево навратилося ест къ Авесалому,

² послалъ въ Фекуитъ-градъ и позвалъ оттоле жену мудрую, и рече к ней: «Уделайся, якобы плакала, и облецися в ризы смутные, и не вкрашай лица своего, абы была, яко жена, иже от долгого часу плачеть мертваго своего;

³ и вниидеши предъ царя, и молвити будешъ к нему слова таковая». И научилъ ее Іоавъ, яко бы имела молвити.

⁴ Внегда же внииде предъ царя жена Фекуитская сия, поклонися и паде пред ним на лице свое на землю, глаголюще: «Выслухай мене, царю!»

⁵ Рече к ней царь: «Что ти естъ?»b Она же рече: «Жена бедная и вдова есмъ, понеже умре ми мужъ, рабе твоей.

⁶ И имехъ два сына, ониже побранивши на поли и единъ другаго забилъ, а не былъ никто тамъ, онже бы ихъ развел.

⁷ И се, вся родина въстали суть на рабу твою, глаголюще: “Выдай того, онже забилъ естъ брата своего, да убиемъ его за кровопролитіе брата своего, егоже забилъ, и погубимъ наследника”. И хотять угасити искру, еже ест остала по мужи моемъ, абы не имелъ по собе ни единаго наследника и ни имени на земли».

⁸ Тогда рече царь къ жене: «Иди ныне в домъ свой и азъ попекуся о тобе».

⁹ Рече паки женаc Фекуитская къ царю: «На мне да пребудеть безаконие сее и на дому отца моего, господине мой царю, но царь и престолъ его да будеть невиненъ».

¹⁰ И рече царь: «Естъли же бы кто всталъ на тя, позови его пред мя и не будеть потомъ смети доткнутися тебе».

¹¹ Она же рече: «Да роспомянется царь на Господа, Бога своего, и не допустит, абы ся множил о крови пролитие на отомщение ближнего». Тогда рече царь: «Живъ естъ Господь, яко не спадеть влас з главы сына твоего на землю».

¹² Рече опят жена: «Да проречеть еще раба твоя къ господину моему царю слово».

¹³ Рече ей царь: «Рци». Рече жена: «Почто еси мыслилъ таковую речь на люди Божия и молъвил еси, царю, сее слово, и съгрешилъ есь, глаголя, абы не приходилъ той, онже утеклъ естъ предъ тобою?

¹⁴ Вси бо умираемъ и, яко воды, плынемъ до земли, от неяже паки не возвратимся; и ниже хощеть Богъ, абы загинула душа человечья, но продолживает, мысля, да не загинеть наконець той, егоже заверже.d

¹⁵ И сего для пришла есми днесь къ господину моему царю, да быхъ молвила ему слово то пред людми. И змыслилахъ, раба твоя: буду тако молвити къ царю, еда како учинить слово рабы своея.

¹⁶ И выслышалъ естъ слова, да бы избавилъ рабу свою з руки всехъ, хотящих погубити мя з достояния Божия и сына моего.

¹⁷ Протож да глаголеть раба твоя: буди жъ слово царево, яко жертва, понеже якобы ангелъ Божий, тако естъ господинъ мой царьe, онже ни хвалениемъ ани хулением не подвижется; протожъ и Господь, Богъ твой, естъ с тобою».

¹⁸ Тогда отвеща царь и рече къ жене: «Не потаи от мене слова, о немже воспрошу тя». Рече к нему жена: «Не потаю, господи мой царю».

¹⁹ И рече царь: «Еда ли рука и наводъ Іоавовъ естъ с тобою во всехъ тыхъ речах?» Отвеща жена: «Для спасения души твоея, господине мой царю, ани десно, ниже налево ест что от всехъ тых речей, еже глаголалъ господинъ мой царь. Рабъ убо твой Іоавъ, той ми естъ повелелъ и онъ вложилъ во уста рабе твоей вся слова та,

²⁰ абыхъ обратила речь сию во уподобление. Той ми ест росказалъ Іоавъ, рабъ твой. Ты же, господине мой царю, мудръ еси, яко ангелъ Божий, и разумееши вси речи, иже ся деют на земли».

²¹ И рече царь къ Іоаву: «Се, вже ныне упрошенъ есмъ и учиних по словеси твоему; сего для иди и приведи сына моего Авесалома».

²² Тогда Іоавъ поклонися и паде на землю, и подяковал царю. И рече Іоавъ: «Ныне познахъ, рабъ твой, яко знайдохъ ласку предъ очима твоима, господи мой царю, понеже учинилъ еси то, чегож есмъ просил рабъ твой».

²³ Въставъ же Іоавъ и иде въ Есуры, и приведе Авесалома въ Ерусалимъ.

²⁴ Рече же царь Давыдъ: «Да идеть Авесаломъ в домъ свой, а лица моего да не видить». И навратился ест Авесаломъ в домъ свой, лица же царева не виде.

²⁵ И не былъ естъ ни единый мужъ от всехъ людей Ізраилевыхъ тако красен, яко Авесаломъ, был бо вельми хорошъ: от пятъ даже и до верху главы его не было на нем ни единое змазы.

²⁶ И чим частей стригал власы свое, тым ему более росли; единова в лете всегда стрыгалъ е собе, понеже обтяживали его. Тые пакъ власы, еже былъ собе остриглъ, важили суть двесте лотовъ ваги посполитое.

²⁷ И народилися суть Авесалому три сыны и дщера едина, именем Фамаръ, велми красна.

²⁸ И былъ естъ Авесаломъ въ Ерусалиме две лете, а лица царя Давыдова не видалъ.

²⁹ Тогда послалъ Авесаломъ къ Іоаву, абы увелъ его предъ царя; онъ же не хотяаше приити к нему. И внегда удругое послалъ по него, и онъ теже не хотелъ ест приити к нему,

³⁰ рече Авесаломъ къ слугам своимъ: «Ведаете ли вы, где поле Іоавово, подле поля моего, имеющее ячмень дозрелый к жатве? Идите на не и позжите е огнемъ». И шедши, пожгоша слузи Асвесаломовы часть жита Іоавова.

³¹ Тогда пришедши раби Іоавови разодраша на собе ризы своя и возвестиша господину своему, глаголюще: «Слузи Авесаломовы, пришедши, пожгли суть часть жита твоего». И въставъ, Іоавъ иде ко Авесалому, в домъ его, и рече к нему: «Прочто слузи твои пожгли суть жито мое?»

³² Отвеща Авесалом Іоаву: «Посылалъ есми к тобе, просяй, абы пришолъ еси ко мне, да бых послалъ тебе къ царю молвити ему: и почто я пришол семо зъ Есура, лепей ми было тамъ быти. Молю ти ся, да вижу лице царево; пакли же еще помнить на грех мой, да убиет мя».

³³ Въстав же, Іоавъ вниде къ царю и возвести ему сее. Тогда позван ест Авесалом, и вниде предъ царя, и поклонися, и паде пред ним на землю. И поцаловалъ естъ царь Авесалома.