Повелелъ царь Давыдъ счести всехъ людей Ізраилевых воеводе своему Іоаву. И разгневался Господь Богъ на Давыда за то, и послал ест к нему Гаада-пророка, глаголя, абы собе от сих трех речей едину выбрал: или гладъ седмъ летъ, или оружие вражие три месеци, или моръ три дни. И просил Давыд мору, и видел ангела Господьня, побивающего людей. Купил гумно и принесе жертвы на нем, и преста моръ.
1 a Опять розгневался естъ Господь Богъ на людей Ізраилевыхъ. И былъ в томъ виненъ Давыдъ, онъ бо воздвиже гневъ Господа Бога на люди Ізраилевы, понеже возвал былъ к собе Іоава, воеводу своего,
2 и рече к нему: «Иди и сочти всехъ людей Ізраиле выхъ и Іюдиныхъ, сходя вся поколенья от Дана даже и до Версавии, и сличи всехъ, да увемъ число, колико естъ ихъ».
3 Отвеща Іоавъ къ Давыду и рече: «Да приспорить тобе Господь, Богъ твой, людей твоихъ еще такъ же много, яко ныне естъ, и надъ то да умножить стрократъ того болей предъ очима господина моего царя. Но прочто хощеть ведати число сее господин мой царь?»
4 И перемогли суть слова царева речь Іоавову и князей людскыхъ. Тогда изыйде Іоавъ и князи людстии от лица царева, абы считали людей Ізраилевыхъ.
5 И внегда прейдоша Іорданъ, и пришли до Ароира, на правую руку града, иже естъ в долине Гаадъ, и шли чересъ Газеръ до земли Гоздийское;
6 и оттуду пришли суть к лесомъ сыновъ Гадовыхъ, исходивши около Сидона;
7 пришли такеb суть даже ко пределом Тирскимъ и около всея земли Евейское и Хананейское, и потомъ пришли суть до Версавии, на полъдень от земли Іюдины;
8 и сходивши вси земли в девети месецехъ и во двадцети днехъ, навратилися во Ерусалимъ.
9 И далъ ест Іоавъ число людей пописаныхъ царю Давыду. И знайдено естъ людей от сыновъ Ізраилевыхъ, еже былъ пописалъ Іоав, осмъсотъ тысещей мужевъ силныхъ, от нихъже единый каждый моглъ естъ исторъгнути оружие к битве. А от племеня Іюдина знайдено естъ пятьсотъ тысещей мужевъ, ониже годни были суть к битве.
10 Тогда бился естъ в перси своя Давыдъ, жалуючи того, иже повелелъ былъ считати людей. И рече Давыдъ к Господу Богу: «Согреших предъ Тобою вельми, яко повелех счести людей сих, но молю Ти ся, Господи, Боже мой, очисти грехъ раба твоего, понеже неразумне учинихъ сее».
11 И востал естъ Давыдъ рано; слово же Господне бысть къ пророку Божиему Гааду, видящему Давыдову, глаголя:
12 «Иди и ирци Давыдови: Сия глаголеть Господь, Богъ Ізраилевъ: три речи даются тобе на обирание; протожъ обери собе с нихъ едину, коюжъ хощеши, да учиню ти ю».
13 И внегда пришол естъ пророк Божий Гаадъ къ Давыду, поведилъ ему, глаголя: «Али бо будеть гладъ за седмъ летъ въ земли твоей, или три месеци утекати будешъ предъ лицемъ враговъ твоихъ, а они тя гонити будуть, или три дни будеть моръ во всей земли твоей; протожъ ныне розмысль и поведь мне, да откажу Тому, Онъже послалъ мя естъ к тобе, что от тыхъ трехъ речей выбираешъ собе».
14 Отвеща Давыдъ къ Гааду, пророку Божию: «Тяжко ми со всехъ странъ велмиc, но лепей мне естъ упасти в руце Господни, яко многа суть милосердия Его, нежели быхъ упалъ въ руце людьские».
15 Тогда перепустилъ естъ Господь Богъ моръ на люди Ізраилевы от того утра даже до дня третьего; и изом рело естъ людей, от Дана даже до Вирсавии, седмъдесятъ тысещей мужовъ.
16 И внегда протягнулъ былъ анъгелъ Божий руку свою на Ерусалимъ, абы поморилъ людей в немъ, смиловался естъ Господь Богъ надъ людьми и рече анъгелу, онъже губилъ естъ людей: «Досыть вже, отдали руку свою». И был естъ тогда анъгелъ Божий стоящъ у гумна Ареу[на]нова Евузейскаго.
17 d И рече Давыдъ къ Господу Богу, внегда узрел анъгела, а онъ губить людей: «Се, азъ есмъ той, иже согрешихъ, и азъ есмъ той, иже зле учиних. Сии же людие что учиниша? Суть убо, яко овце невинные. Молю Ти ся, Господи Боже, да обратится гневъ Твой на мя и на домъ отца моего».
18 И прииде пророкъ Божий Гаадъ къ Давыду в той день, и рече к нему: «Възыйди и вделай олтарь Господу Богу на гумне Ареунанове Евузейскаго».
19 И въступилъ естъ Давыдъ по повелению Гаадову, якоже приказалъ былъ ему Господь Богъ.
20 Узревъ же сее Ареунан, яко царь идеть к нему съ слугами своими, изыйде въ стретение ему, и поклонися предъ царем, и паде на лице свое на землю.
21 И рече Ареунанъ: «Что естъ сее, иже господинъ мой царь пришолъ ко мне, рабу своему?» И отвеща к нему царь Давыдъ: «Сего ради пришолъ есмъ к тобе, абыхъ купилъ гумно твое и уделалъ на немъ олтарь Господу Богу, да бы перестала рана моровая, еже розмножилася естъ в людехъ Ізраилевыхъ».
22 Тогда рече Ареунанъ Евузейский къ Давыду: «Да возметь гумно сее господинъ мой царь и принесеть жертвы на немъ Господу Богу, якоже любо естъ предъ очима Его. Се, к тому имаеть волы на всесозжение, колеса же и ярма волова на дрова жертвеная».
23 Тые вси речи далъ естъ Ареунанъ царю Давыду. И рече паки Ареунанъ къ царю: «Господь, Богъ твой, да прииметь от тебе слюбъ мысли твоея!»
24 К нему же отвеща царь Давыдъ и рече: «Никако же то будеть, яко ты хощеши, но за пенези куплю от тебе, и тако възнесу на нем всясозжения, приятная Господу, Богу моему». И купил естъ царь Давыдъ гумно и волы от Ареунона за пятьдесятъ сиклевъ сребра,
25 и вделалъ на томъ гумне олтарь Господу Богу, и принесе на немъ жертвы всехсозжения и мирныя. И слютовался естъ Господь Бог надъ землею, и престала ест рана от сынов Ізраилевых.
* * *
Доконавается вторая часть книгъ, Самуила-пророка зовемая от Евреи, по-рускии же нарицаються Вторыи книги Царствъ.
Выложены докторомъ Франциском, Скорининымъ сы номъ, изъ славнаго града Полоцка на руский языкъ напредъ Богу, в Троици единому, и Его Пречистой Матери Марии ко чти, и людемъ посполитым к научению.
a 1 Параліпаменан, 21.
b тако.
c Да Філіпійцаў, 1[:22] (зачын 238), у Скарыны нумар зачына пададзены памылкова — 138; Данііла, 13[:22].
d 1 Параліпаменан, 21[:17].
Знайшлі памылку ў тэксце? Вылучыце яе і націсніце:
Ctrl + Enter
Вторыи Царствъ, 24 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.