Хвалу воздаеть царь Давыдъ песнею сею Господу Богу, яко избавилъ ест его от руку Сауловыхъ и от руку всехъ неприателев околичных его.
1 Глаголал же естъ царь Давыдъ къ Господу Богу слова песни сия въ день, в оньже избавилъ его Господь Богъ из руку Сауловыхъ и из руку всехъ враговъ его, и рече: «Возлюблю тя, Господи, крепость моя!
2 Господь — утвержение мое, и прибежище мое, и избавитель мой!
3 Богъ мой силный — помощникъ мой, и уповаю на Нь, защититель мой и моць спасения моего.a Той воздвиже мя и естъ заступление мое. Спасителю мой, и избавиши мя от безаконія моего!
4 Хваляй, призову Господа, и от врагъ моихъ спасуся.
5 Одержаша бо мя болезни смертныя и потоци безакония смутиша мя;
6 соузы адовы обыдоша мя, упредиша мя сети смертныя.
7 Въ скорби моей призову Господа и к Богу моему вопиати буду, и услышит от Церкви святыя своея гласъ мой, и вопль мой вниидеть во уши Его.
8 Подвизася и трепетна бысть земля, и основания горъ смутишася и подвизашася, яко прогневася на ня Бог.
9 И зыйдеть дымъ от ноздрей Его, и огнь воспалаеть из устъ Его, и углие розгорешеся от Него.
10 Преклони небеса и сниде; и примракъ под ногама Его;
11 и взыйде на херувимъ, и возлете на крилу ветреню;
12 положилъ около Себе тму за кровъ свой и якобы решетом розсевая воду со облаков воздушных;
13 от блистания пред Нимъ облаци возгорешася, яко углие огняно.
14 Возгримить с небеси Господь и Вышний дасть гласъ Свой;
15 пустилъ стрелы своя, и разгналъ я; молния умножилъ, и смутилъ их.
16 И явишеся вылитія морская, и откришеся основания вселенныя от запрещения Твоего, Господи, и от дхновения духа гнева Твоего.
17 Послалъ с небеси и приятъ мя, и изорвалъ мя от водъ многъ;
18 и избавил мя от врагъ моихъ силныхъ и от ненавидящих мя, яко укрепишеся паче мене.
19 Предшол естъ мя въ день озлобления моего; и бысть Господь утвержение мое,
20 и изведе мя на широту, избави мя, яко возлюби мя.
21 И воздасть мне Господь по правде моей и по чистоте руку моею учинить мне,
22 яко сохраних пути Господьня и не чинихъ зле предъ Богомъ моимъ,
23 вся бо суды Его предо мною суть и заповедей Его не завергохъ от мене,
24 и буду непороченъ пред Нимъ, и сохранюся от безакония моего.
25 И воздасть ми Господь по правде моей и по чистоте рукъ моих предъ очима Своима.
26 Съ светымъ святъ будеши, и с мужемъ силным совершенъ будешъ,
27 и со избранным избранъ будеш, и съ развращеннымъ развратишися.
28 И людей смиреныхъ Ты спасеши, и очима Твоима гордыхъ смириши,
29 яко Ты еси светилникъ мой, Господи, и Ты, Боже, просветиши тмы мое.
30 В силе убо Твоей побегну, препоясанъ сый, и о Бозе моемъ прескочу стену.
31 Бог мой, непороченъ путь Его и словеса Господьня огнемъ искушенна, защититель естъ всемъ уповающимъ на Нь.
32 И кто естъ Богъ, кромъ Господа, Бога нашего? И кто ест Богъ силный, развей Бога нашего?
33 Богъ, иже препоясалъ мя силою и сровнал совершеный путь мой,
34 прировнавая нозе мое еленемъ и на высокихъ поставляя мя,
35 научая руце мое на брань и полагая, яко лукъ медянъ, мышца моя.
36 Далъ ми еси щитъ спасения твоего и тихость Твояb розмножила мене.
37 Розширил еси стопы моя подо мною, и не изнемогут глезне мое.
38 Пожену врагы моя и потру я, и не возвращуся, дондеже искончаю их;
39 оскорблю е и скажу, и не возмогуть стати, и падуть под ногама моима.
40 Препоясалъ мя еси силою на брань и наклонил еси востающих на мя под мя,
41 и врагъ моихъ далъ ми еси хребетъ, и ненавидящихъ мя погубилъ еси.
42 Възопиша — и не будеть спасающего е, — къ Господу, и не услышить ихъ.
43 Истоню их, яко прахъ земли, и яко грязь на улицахъ, поглажу ихъ и сотру.
44 Избавиши мя от прекимолвныхъ словъ людей моихъ и соблюдеши мя во главу народомъ. Людие, ихъже не ведехъ, служити мне будуть
45 и въ слухъ уха послухають мя.
46 Сынове чюжии противитися будуть мне, сынове чуждии обетъшаша и охромоша от стезь своихъ.
47 Живъ естъ Господь и благославенъ Богъ мой! И вознесеться Богъ силный спасения моего!
48 Боже, Ты даеши отомщение мне и повинуешъ люди под мя,
49 Ты избавляеши мя от врагъ моихъ и от востающих на мя возносиши мя, от мужа неправедна высвободиши мя.
50 Сего ради хвалити Тя буду межи поганы, Господи, и имени Твоему въспевати буду,c
51 Ты убо величаеши спасение царя своего и чиниши милосердие Давыду, помазанному своему, и семени его до века».
a Псалом 17[:3].
b Erratum: моя.
c Да Рымлянаў, 15[:9] (зачын 117).
Знайшлі памылку ў тэксце? Вылучыце яе і націсніце:
Ctrl + Enter
Вторыи Царствъ, 22 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.