Како помазали людие Іюдины Давыда на царство въ Хевроне. О посольстве его к мужем Явис-Галаадъскимъ, иже похоронили суть тело Саулово. О побоищи, иже бе межи Авенеромъ, воеводою Сауловымъ, и межи Іоавом, воеводою Давыдовым.
1 По сем же въспроси Давыдъ Господа, глаголя: «Имаю ли нине ити въ едино место от градъ Іюдиныхъ?» И рече к нему Господь: «Иди». Рече паки Давыдъ: «Въ кой же градъ имам ити?» Отвеща ему Господь: «Въ Хевронъ».
2 Тогда иде Давыдъ в землю Іюдину, и обе жене его с нимъ, Ахинома, Езраильтянины, и Авигаиль, жена Навалева Каръмельскаго, и мужи, иже были с нимъ.
3 Единаго каждого з домомъ своимъ веде Давыдъ с собою; и жиша по местехъ около Хеврона.
4 В то пакъ время приидоша мужи Іюдины къ Давыду и помазали его на царствоa, абы царствовал надъ домомъ Іюдинымъ. И возвестиша Давыдови, иже мужи Явисъ-Галаадстии погребоша Саула.
5 Тогда послалъ Давыдъ послы къ мужемъ Явисъ-Галаадскимъ, глаголя: «Благославени вы от Господа, яко учинили есте милосердие над господином своимъ, иже похоронили есте Саула.
6 Ныне же да воздасть вамъ Господь Богъ по милосеръдию и по правде вашей; и я теже отдамъ вамъ добродетелию своею прото, иже учинили есте речь сию.
7 Да укрепятся руце ваше и будьте сынове силы. Яко умре господинъ вашъ Саулъ, се, колено Іюдино помазало мя собе въ царя место».
8 Авенеръ же, сынъ Нировъ старейший, воевода войска Саулова, взялъ Езвозефа, сына Саулова, и ездяше с нимъ по местехъ,
9 и поставилъ его царемъ надъ Галаадом, и надъ Есуры, и над Езраелем, и надъ Ефраимомъ, и надъ Веньаминомъ, и надо всими людми Ізраилевыми.
10 Былъ же естъ Езвозеф, сынъ Сауловъ, въ четыредесяти летехъ, внегда начат царъствовати надъ Ізраилемъ, и две лете царствовал; Давыдъ же токмо царствовалъ ест надъ самимъ домомъ Іюдиным.
11 И было число дней, в нихже то пребываше Давыдъ царствуя въ Хевроне над домомъ Іюдиным, седмъ летъ и шесть месецей.
12 Тогда изыйде Авенер съ отроки Езвозефовыми, сына Саулова, на войну, и положился въ Гаваоне.
13 Іоавъ теже, сын Сарвиинъ, съ отроки Давыдовыми вышолъ ест и положился противу имъ у рыбници въ Гаваоне. И внегда тако из[ъ]ехашеся против собе, единыи съ единое страны рыбници, а друзии з другое,
14 рече Авенер къ Іоавови: «Нехай со обою странъ изыйдуть отроци и биются пред нами». Отвеща Іоав: «Да изыйдут».
15 Тогда выступили суть дванадесет мужей от людей Веньаминовых от страны Езвозефовы, сына Саулова, и дванадесеть такожъ мужъ от страны Давыдовы,
16 и единый каждый, няв за главуb товариша своего, прободе его мечем; и тако вси вкупе перебилися суть ровный ровнаго. И прозвано естъ место то поле Силныхc въ Гаваоне.
17 И наста бой досыть силный в той день, и побежа Авенеръ и мужи Ізраилевы предъ мужми Давыдовыми.
18 И были ту три сыны Сарвиины: Іоав, Ависай и Азаел; Азаел же бе велми скорый в бегу, яко серна лесная.
19 И гонил ест Азаель Авенера, и не уклоняшеся ни налево, ни направо, абы престал гонити Авенера.
20 Тогда, озревшися, Авенер рече: «Ты ли еси Азаель?» И отвеща ему: «Я есмъ».
21 Рече ему Авенер: «Уклонися направо или налево, и ими некоего отрока, и возми собе с него користь». И не хотел Азаел послушати того.
22 Тогда паки рече Авенер Азаелю: «Иди проч и не гони мя, да не потру тя на земли, принуденъ сый, и не возмогу потомъ возрети на Іоава, брата твоего».
23 И онъ не хотелъ послухати его, но гнался еще за ним. Тогда обратившися Авенеръ и ударилъ его копием у лядви, и прободе и; и умре на том же месте. Все пак войско, еже шло мимо то место, на немъже убитый лежалъ Азаель, пооставалося.d
24 Иоавъ же и Ависай гонили суть Авенера даже до заходу солнъца и приидоша аже ко узъгорку водыведенияe, иже ест противу долины и путя пустыни въ Гаваоне.
25 И собрашеся сынове Веньаминови ко Авенеру, воеводе своему, и сташа въ единомъ полку на горе.
26 И возпи Авенеръ на Іоава: «Еда ли даже до побития всехъ насъ взясте оружия своя, яко не преставаете гонити нас? Не весте ли того, иже вельми шкодлива ест збытняя смелость? Доколе не речеши людемъ твоимъ, абы престали гонити и убияти братии своей?»
27 Рече же Іоавъ: «Живъ ест Господь! Бы ми еси былъ реклъ то рано, престали бы были людие мои гонити васъ».
28 И затрубил естъ Іоавъ въ трубу, и сташи вси людие, и не гониша к тому людей Ізраилевыхъ, и не бишеся с ними.
29 Авенеръ же с людми своими иде всю тую нощъ по полехъ Моавских, и переплывши Іорданъ, шли посреди Вехерона, и приидоша во места своя.
30 Іоавъ теже навратися, опустивши гонити Авенера, и собра люди своя, и не дочолся мужовъ Давыдовыхъ без одного двадцети, кроме Езаела.
31 Мужи пакъ Давыдовы побили суть мужей Веньаминовыхъ. Иже были съ Авенером, триста и шестьдесятъ, — изомроша тии.
32 И взяша тело Езаелево и погребоша е во гробе отца его во Вефлиоме. И идяху целую нощь Іоавъ и мужи, иже беша с ним, и на свитании приидоша въ Хеврон.
a 1 Параліпаменан, 11[:3].
b Erratum: глагу.
c поле Силных (Вульгата: Ager robustorum, ‘Поле моцных’; ЦСБ: часть наветниковъ).
d Ad marginem: Ниже, 20[:12].
e ко узъгорку водыведения (Вульгата: ad collem aquæductus, ‘да акведукавага ўзгорка’; ЦСБ: до холма Амма).
Erratum: водыведедия.
Знайшлі памылку ў тэксце? Вылучыце яе і націсніце:
Ctrl + Enter
Вторыи Царствъ, 2 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.