Вторы Царствъ 13 Вторыи Царствъ 13 разьдзел

¹ Авесалому пакъ, сыну Давыдову, бе сестра, именемъ Фамаръ; и бысть потомъ, возлюби ю Аммонъ, сынъ Давыдовъ.

² И тужаше по ней велми, тако, иже для милости великое рознемоглъся, ведяше бо, яко девица ест и непросто учинить с нимъ нечто непочтиваго.

³ И был ест Аммону приетель, именемъ Енодавъ, сынъ Семманов, брата Давыдова, мужъ хитрый велми.

⁴ Той рече к нему: «Прочто такъ худеешъ и на лици перепался еси день от дня, сыну царевъ? Чему не поведишъ мне?» И рече к нему Аммонъ: «Фамару, сестру Авесаломову, брата моего, милую».

⁵ Ему же отвеща Енадавъ: «Ляжи жъ на постели твоей и учинися немощьнымъ; и внегда вниидеть наведити тебе отець твой, речеш к нему: “Да приидеть, прошу васъ, Фамаръ, сестра моя, и да вделает ми ясти, абыхъ елъ з руку ея”».

⁶ И ляже Аммонъ на постели своей, якобы немощенъ былъ; тогда яко пришолъ естъ царь Давыдъ наведити его, рече к нему Аммонъ: «Прошу васъ, да приидеть ко мне Фамаръ, сестра моя, и вделает предъ очима моима ядь или две, да быхъ елъ от руку ея».

⁷ Тогда послалъ естъ Давыдъ в домъ къ Фамаре, глаголя: «Иди до дому Аммонова, къ брату своему, и уделай ему ести».

⁸ И прииде Фамаръ в домъ Аммона, брата своего, и се, онъ лежаше на постели своей. Она же, вземши муки, смеси с водою, и роспустивши, вделала ему кашку;

⁹ и уваривши, выложила предъ него, и не хотелъ ести. Тогда рече Аммонъ: «Вышлите всехъ вон». И внегда выслаша всехъ вон,

¹⁰ рече Аммонъ къ Фамаре: «Внеси ядь во унутреную клеть, и буду ясти з рук твоихъ». И она, вземши кашу, юже была уварила, внесе [во] внутреную клеть Аммону, брату своему.

¹¹ И внегда подавала ему ясти, ухопилъ ю и рече к ней: «Пойди и ляжъ со мною, сестро моя!»

¹² Она же рече к нему: «Не чини ми насилия, брате мой! Не чини ми насилия, яко не естъ сее слушно во Израили. Не чини безумия сего!

¹³ Азъ не возмогу понести срамоты сея, ты же будеши яко единъ от несмысленыхъ посреди людей Ізраилевых.a Но лепей глаголи къ царю, и не поборонить тобе мене».

¹⁴ И не хотелъ Аммонъ выслухати прозбы ея, и емъ ю, учинилъ насилие ей.

¹⁵ И по томъ скоро имелъ ю в ненависти великой Аммонъ тако, иже болшая была ненависть его к ней, нежели первей милость. И рече по томъ ей Аммонъ: «Встани и иди прочь».

¹⁶ Она же рече к нему: «Большее то естъ злое, иже ныне глаголеши ко мне, изгоняючи мя, нежели первое, еже еси учинилъ мне». И не хотелъ послушати ея,

¹⁷ но возвав раба своего, служащего ему, рече: «Выведи сию от мене вонъ и заври двери по ней».

¹⁸ И была естъ на ней одежа долгая даже до глезнъ, понеже въ таковой одежи хоживали девици, дщеры царевы. И выпхнулъ ее рабъ той вонъ, и замкнулъ две ри по ней.

¹⁹ Она же, посыпавши прахомъ главу свою, и розторгъши одежу на собе, и возложивши обе руце на главу свою, идяше, вопиющи.

²⁰ И рече к ней Авесаломъ, братъ ея: «Еда ли же Аммонъ, братъ твой, учинилъ насилие тобе, молчи ныне, сестро моя, яко братъ твой естъ, и не смути сердца своего того для». И остала естъ Фамаръ смутна в дому Авесалома, брата своего.

²¹ Внегда же услышалъ естъ царь Давыдъ речь сию, засмутился велми, но прото не хотелъ ест засмутити серъца Аммона, сына своего, понеже любляше его, былъ убо онъ первороженный сынъ его.

²² Тогда Авесалом не рече Аммонови прото ни злого, ни доброго; гневался же ест на него, яко посиловалъ былъ Фамару, сестру его.

²³ И бысть по дву летех, внегда стрыжаше овци своя Авесаломъ въ Вазоре, граде, иже естъ подле Ефраима. Тогда позвалъ естъ Авесаломъ всехъ сыновъ царевыхъ,

²⁴ и прииде предъ царя, и рече: «Се я, рабъ твой, стригу нине овци; прошу тя, царю, ты и сынове твои будьте гостми у раба своего».

²⁵ Отвеща же царь къ Авесалому: «Не жадай того, сыну мой, не жадай, абыхом вси пришли к тобе и обтяжили тобе». И внегда настояше, зовяй царя, и не хотелъ ити, но подяковалъ ему,

²⁶ рече паки Авесаломъ къ Давыду: «Не хощеши ли сам ити, царю, молю ти ся, да идеть со мною Аммонъ, братъ мой». Отвеща к нему царь: «Не ест потреба, абы шолъ с тобою».

²⁷ Принудил же естъ Авесаломъ прозбою царя, иже отпустил с нимъ Аммона и вся сыны царевы. И учинилъ естъ Авесаломъ пиръ, якобы пиръ царский.

²⁸ И рече Авесалом ко всимъ слугам своим: «Смотрите, егда упиется Аммонъ виномъ и егда рекну вамъ: “Бийте его!”, забийте и, а не бойтеся никого, азъ убо есмъ, иже повелеваю вамъ. Укрепитеся и будьте мужи сильнии».

²⁹ И учинили суть слузи Авесаломови Аммону, якоже повелелъ былъ имъ Авесаломъ. Узревши же тое вси сыны царевы, въседоша на мулици своя и утекоша.

³⁰ И еще имъ сущим на пути, пришла весть къ Давыду, иже Авесалом побилъ всех сыновъ царевых и не остави ни единаго з них.

³¹ Въстав же тогда Давыдъ, и разторга ризы своя, и паде на землю; и вси слузи его, иже стояли суть пред ним, роздраша ризы своя.b

³² Тогда отвеща Енодавъ, сынъ Семмеевъ, брата Давыдова, и рече: «Да не мнит господин мой царь, ижебы вси сыны царевы были побиты; Аммонъ толико самъ убитъ ест, понеже имеаше гневъ Авесаломъ от того дня, в оньже насилие учинилъ ест Фамаре, сестре его.

³³ Протожъ да не припущаеть къ серцу своему господинъ мой царь словеси сего, глаголя: “Вси сыны царевы побиты суть”, единъ бо толко Аммон убитъ.

³⁴ И утече Авесаломъ». Тогда воздвиже очи свое стражъ, иже былъ на вежи, и узрелъ: се, полкъ великий идяше вкупе по пути блудном против горе.

³⁵ И рече Енодавъ къ царю: «Се тии суть сынове царевы: по словеси раба твоего, тако и сталося естъ».

³⁶ И внегда престалъ молвити, приидоша и сыны царевы, и въшедши в домъ, плакашеся плачемъ великимъ. Но и царь, и вси слузи его плакали суть велми.

³⁷ Авесалом же утече прочь и живяше у Толомаа, сына Амиурова, царя Есурска. И плакалъ естъ Давыдъ Аммона, сына своего, за много дней.

³⁸ Авесаломъ пакъ, егда былъ убежалъ, пришолъ до Есураc и жилъ ту три лета.

³⁹ И престалъ естъ царь Давыдъ гонити Авесалома, понеже отжелелъ былъ смерти Аммоновы.