О Сибе, рабу Мифивозефове, онже стретил естъ Давыда со двема ослы. О Семею, онже злоречилъ ест Давыду и стерпел ему. Хузий прииде ко Авесалому. И Авесалом посквернилъ жены отца своего.
1 Внегда же мало поминулъ естъ Давыдъ гору Оливетскую, и се, указался ему Сиба, рабъ Мифивозефов, идяй противу ему со двема ослы, ониже несли суть на собе двесте бохановъ хлеба, и сто связковъ вина сухого, и седмъ крошенъ фокговъ, и два сосуды вина.
2 И рече царь Сибе: «Кому имають быти сии речи?» Отвеща Сиба: «Господине мой царю, ослове сии домашнии суть, да бы ехалъ на нихъ царь мой, хлебы же и фикги, абы ели отроци твои, и вино, да бы пили, естлі же кто изнеможеть на пустыни».
3 И рече царь: «Игде естъ ныне сынъ Енафинъ, господина твоего?» Отвеща Сиба царю: «Остал ест въ Ерусалиме, глаголя, иже “днесь навратит ми Господь Богъ царство отца моего надъ людьми Ізраилевыми”».
4 И рече царь къ Сибе: «Се тобе даю днесь все имение, еже имать Мифивозефъ». Рече к нему Сиба: «Молю ти ся, царю, да знайду милость предъ тобою!»
5 Тогда иде царь Давыдъ путемъ даже до Гаурима, и се, исхождяше оттуду мужъ от племени Саулова, именемъ Семей, сын Еруовъ; и идучи, злоречил естa
6 и камение метал на Давыда и на всех слугъ его; вси же людие и вси воины шли суть около царя, по правой стране и по левой.
7 И тако молвилъ естъ Семей, егда злоречилъ царю Давыду: «Изыйди ж, изыйди ж, мужу крови, мужу безакония!
8 Се, ныне воздалъ тобе Господь Богъ всю кровь дому Саулова! Яко насилиемъ еси взялъ царство его, протожъ и Господь отдалъ ест е в руце Авесалому, сыну твоему. Се, вже ныне погубляють тебе безакония твоя, понеже мужъ крови еси».
9 Тогда рече къ царю Ависай, сынъ Сарвиинъ: «Прочто злоречить песъ сей мертвый господину моему царю? Пойду и сотну главу ему».
10 И рече царь: «Что мне и тобе, сыну Сарвиинъ? Остави его, да злоречить, Господь убо повелел ест ему злоречити Давыда.b Икто смееть рещи, чему тако чинит?»
11 Тогда рече паки царь ко Ависаю и ко всемъ слугамъ своимъ: «Се, сынъ мой, онже изыйде з чрева моего, ищеть души моея, многым пакъ более той сын Емининъc; не дейте его, да злоречить, якоже повелелъ ему Господь.
12 Еда како возрить ныне Богъ на смирение мое и дасть ми благославение въместо злоречения сего днесь».
13 И шолъ естъ Давыдъ, и мужи его с нимъ, путемъ. Семей же идяше по верху горы, противу имъ злореча, и камение меча, и персть сыпая на Давыда.
14 И прииде царь и вси людие его, утомивъшися, на место едино, и отпочиваша ту.
15 Авесаломъ пакъ и вси людие его пришли суть въ Ерусалимъ, и Ахитофель теже с нимъ.
16 И внегда пришолъ естъ Хузий Арахитский, другъ Давыдовъ, ко Авесалому, рече ему: «Здравъ буди, царю! Здрав буди, царю!»
17 Отвеща же ему Авесаломъ: «Сия ли ест любовъ твоя къ другу твоему? И чему не шолъ еси з другомъ своимъ Давыдомъ?»
18 И рече Хузий ко Авесалому: «Никако, но того буду, егоже избрал естъ Господь, и вси сии людие, и весь Ізраиль, и с тымъ остану.
19 Но и тое еще приложу к тому: кому я служити буду, не сыну ли цареву? Протож, яко былъ есмъ послушенъ отцу твоему, тако и тобе буду».
20 Тогда рече Авесалом ко Ахитофелю: «Учините совет, что имамы делати».
21 И рече Ахитофель Авесалому: «Внииди къ меншицамъ отца своего, ихже оставил естъ стеречи двору царева, и пребуди с ними; внегда бо услышать сее вси людие Ізраилевы, иже посквернилъ еси ложе отца своего, тогда более укрепятся руце их с тобою».
22 И поставили суть Авесаломови шатеръ на сеняхъ царевых, и внииде Авесаломъ къ меншицамъ отца своего предо всем Ізраилемъ.d
23 Советъ же Ахитофелевъ в ты дни тако был приятенъ, якобы кто совещаваше с Богом. И таков былъ ест всякъ советъ Ахитофелевъ, егда былъ съ Давыдом, и внегда теже былъ со Авесаломом.
a 3 Царстваў, 2[:8].
b Ad marginem: Ниже, 19[:19].
c Ad marginem: Ниже, 20[:6].
d Міхея, 7[:6].
Знайшлі памылку ў тэксце? Вылучыце яе і націсніце:
Ctrl + Enter
Вторыи Царствъ, 16 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.