Вторы Царствъ 15 Вторыи Царствъ 15 разьдзел

¹ Тогда потом наделалъ собе Авесалом возовъ и никъ, и пятьдесят мужей бе, иже ходяху пред коннимъ.

² И вставая рано, Авесаломъ стоивалъ естъ у вратъ на пути и каждого мужа, онже имеаше судитися предъ царем, позывалъ к собе. И пыталъ его, глаголя: «От кего града еси ты?» Он же овещаваше: «От единаго колена Ізраилева есмъ, рабъ твой».

³ И молвяше ему Авесалом: «Видять ми ся слова твоя быти добра, но несть таковаго поставленого от царя, онже бы выслышалъ тебе».

⁴ И молвялъ Авесаломъ: «Кто мене уделаеть судьею надъ землею, абы ко мне вси шли, иже имеють суды! Судил быхъ я справедливе».a

⁵ И внегда кто приближашеся к нему, хотяй поклонитися ему, то Авесаломъ первей поспешилъ и подалъ руку, и поцаловалъ и.

⁶ И чинилъ такъ всемъ людемъ Ізраилевымъ, приходящимъ на судъ, абы слышани были от царя; и наклонялъ естъ к собе Авесаломъ серца всехъ людей Ізраилевых.

⁷ И бысть по четырехъ летехъ, рече Авесаломъ къ царю Давыду: «Пойду и наполню слюбы моя Господу Богу въ Хевроне,

⁸ яко слюбуючи, слюбовалъ есмъ я, рабъ твой, егда бехъ въ Есурехъ, глаголя: естъли же навратить мене Господь Богъ въ Ерусалим, тогда принесу жертвы Господу въ Хевроне».

⁹ Рече ему царь: «Иди с миромъ». И въсталъ Авесаломъ, и прииде въ Хевронъ.b

¹⁰ И послалъ естъ тогда Авесаломъ послы по всехъ градахъ Ізраилевыхъ, глаголя: «Яко скоро услышите глас трубный, рците: “Се Авесаломъ царствуеть в Хевроне”».

¹¹ Шло же было со Авесаломомъ двесте мужевъ изъ Ерусалима простымъ серцемъ, не ведяще о том ничтоже.

¹² Тогда возвалъ ест Авесаломъ Ахитофеля Геломитскаго, онже былъ ест советникъ царя Давыдовъ из града его Гелома. И внегда приношаше жертвы Авесалом, бысть заклятие великое межи ими, и людие збежалися суть къ Авесалому и умножилися.

¹³ В той час прибежал ест посол къ Давыду и поведалъ ему, глаголя: «Вси людие Ізраилевы обратилися суть ко Авесалому серцемъ целым».

¹⁴ И рече Давыдъ къ слугам своимъ, иже беша с ним въ Ерусалиме: «Въстаньте и бежимо, яко не можемъ пребыти зде для Авесалома; поспешите изыйти, абы, пришедъ семо, не застиглъ насъ ту, и побилъ бы насъ, и весь градъ вывоевал бы оружиемъ».

¹⁵ Отвещаша же слузи царевы: «Все, еже повелевает нам господинъ нашъ царь, ради учинимо».

¹⁶ И вышолъ ест царь изъ Ерусалима со всемъ домом своимъ пешъ. И оставилъ естъ царь десете женъ, меншиць своих, въ Ерусалиме, абы хранили двора его.

¹⁷ Изыде царь, и вси людие его, на ногахъ своихъ и стоялъ далеко от двора своего.

¹⁸ И вси слузи его ходили суть около его, полки стрельцевъ и щитниковъ, и вси Ефъскии бойци сильнии, шестьсотъ мужей, иже вышли были за Давыдомъ зъ града Ефъ, идяху предъ царемъ.

¹⁹ И рече царь къ Етгаю Ефъскому: «Почто идеши с нами? Навратися во градъ и пребуди съ [тымъ] царемъ, понеже гость еси ты и вышолъ есь от места своего.

²⁰ Вчера пришолъ еси и ныне, принуден сый, исходиши с нами? Азъ убо пойду, яможеc имам ити, но ты навратися и веди с собою братию свою, и Господь учинить с тобою милосердие и правду, яко и ты показалъ мне еси любовь и веру».

²¹ Отвеща Етгай къ царю и рече: «Живъ естъ Господь и жива естъ душа твоя, господине мой царю, иже на коемъ месте будешъ ты, господине мой царю, будь то к животу или къ смерти, ту и я теже буду с тобою, раб твой».d

²² И рече царь Давыдъ къ Етгаеви: «Пойди жъ со мною». И иде Етгай Ефъский, и царь, и вси мужи, иже беша с ним, и все множество людей.

²³ И вси плакали суть плачемъ великим. Царь же тогда шолъ ест чересъ поток Цедронъ; и вси людие идяху противу путя горы Оливетское, еже зрить къ пустыни.

²⁴ Вышолъ естъ теже и Садохъ-ерей, и вси левгити с нимъ, несуще с собою Кивотъ Завета Божия. И сложиша с себе Кивотъ Божий, и ста Авиафаръ, дондеже прейдоша потокъ Цедронъ вси людие, сходящии из града.

²⁵ И рече царь къ Садохови: «Отнеси Кивотъ Божий во градъ. Естъли знайду милость предъ очима Божиима, то возвратит мя въспять и покажет ми и храмъ свой;

²⁶ пакли же речеть: “Не любиш Ми ся”, готовъ есмъ, да учинить со мною, еже ся добро зрить быти пред очима Его».

²⁷ И рече паки царь къ Садохови: «О ерею, навратися с миром во градъ; и Ахимаасъ, сынъ твой, и Енафа, сынъ Авиафаровъ, оба да будуть с вами.

²⁸ Се, я сокриюся в полях пустых, дондеже приидеть весть от васъ ко мне, яко ся будет деяти въ граде».

²⁹ И несоша опять Кивотъ Божий во градъ Ерусалим Садохъ и Авиафаръ, и осташа во граде.

³⁰ Давыдъ же идяше по стране на гору Оливетскую, прикрымъ путемъ въступуя и плача, босыма ногама, накривши главу свою; людие теже вси, иже были с нимъ, идоша за нимъ, прикривши главы своя и плачущеся.

³¹ Тогда возвестиша Давыдови, глаголюще: «Се, Ахитофель прилучися ко Авесалому». И рече Давыдъ: «Разруши, Господи, Боже мой, совет Ахитофелевъ!»

³² И внегда въступовал Давыдъ на верхъ горы, на нейже хотелъ естъ помолитися Господу, и се, стретился с ним Хузий Арахитский, разторгавъ на собе ризы, и праху бе полно на главе его.

³³ И рече к нему Давыдъ: «Пойдеши ли со мною, то будеши мне втяготу;

³⁴ и навратиш ли ся въ Ерусалимъ, и речеши ли ко Авесалому: “Рабъ твой есмъ, царю, живи мя; и яко есмъ былъ веренъ отцу твоему, тако и тобе буду”, сказишъ советъ Ахитофелевъ.

³⁵ А имети тамъ будешъ с собою Садоха и Авиафара, ереовъ; протожъ естъли что услышишъ во дворе цареве, возвести Садохови и Авиафарови.

³⁶ Суть теже тамъ два сыны ихъ, Ахимаасъ, сынъ Садоховъ, и Е[н]афанъ, сынъ Авиафаровъ, сего для ими въскажете ко мне все, еже услышите».

³⁷ Тогда Хузий, другъ Давыдовъ, внииде во градъ; и Авесалом в той же часъ прииде въ Ерусалим, и Ахитофель с ним.