Марка 8 разьдзел
Паводле Марка Сьвятое Дабравесьце
Пераклад Антонія Бокуна → Пераклад Л. Гарошка
У тыя дні, калі сабраўся вельмі вялікі натоўп і ня мелі што есьці, Ісус, паклікаўшы вучняў Сваіх, кажа ім:
адсутнічае
«Шкада Мне гэтых людзей, бо ўжо тры дні са Мною, і ня маюць што есьці.
адсутнічае
І калі іх галоднымі адпушчу ў дамы іхнія, саслабеюць у дарозе, бо некаторыя з іх прыйшлі здалёк».
адсутнічае
І адказалі Яму вучні Ягоныя: «Адкуль мог бы хто накарміць іх хлебам тут, у пустыні?»
адсутнічае
І спытаўся ў іх: «Колькі маеце хлябоў?» Яны сказалі: «Сем».
адсутнічае
І загадаў натоўпу сесьці на зямлю, і, узяўшы сем хлябоў і падзякаваўшы, паламаў, і даў вучням Сваім, каб раздалі; і яны раздалі натоўпу.
адсутнічае
І мелі яны некалькі рыбаў. І, дабраславіўшы іх, сказаў раздаць і тыя.
адсутнічае
І елі, і наеліся, і сабралі кавалкаў, што засталіся, сем кашоў.
адсутнічае
А тых, што елі, было каля чатырох тысячаў; і адпусьціў іх.
адсутнічае
І адразу, увайшоўшы з вучнямі Сваімі ў човен, прыйшоў у межы Дальмануты.
адсутнічае
І выйшлі фарысэі, і пачалі з Ім спрачацца, дамагаючыся ў Яго знаку з неба, спакушаючы Яго.
адсутнічае
І Ён, уздыхнуўшы ў духу, гаворыць: «Чаму гэтае пакаленьне патрабуе знаку? Сапраўды кажу вам, знак ня будзе дадзены пакаленьню гэтаму».
адсутнічае
І, пакінуўшы іх, увайшоў у човен і выправіўся на другі бок.
адсутнічае
І забыліся ўзяць хлеб, і нічога ня мелі з сабою ў чаўне, апрача аднаго хлеба.
адсутнічае
І Ён перасьцерагаў іх, кажучы: «Глядзіце, сьцеражыцеся кісьлі фарысэйскай і кісьлі Ірадавай».
адсутнічае
І яны разважалі між сабой, кажучы: «Гэта таму, што хлеба ня маем».
адсутнічае
І, зразумеўшы, Ісус кажа ім: «Чаму разважаеце, што ня маеце хлеба? Ці яшчэ ня цяміце і не разумееце? Ці яшчэ скамянелае маеце сэрца вашае?
адсутнічае
Маючы вочы, ня бачыце? І маючы вушы, ня чуеце? І ня памятаеце?
адсутнічае
Калі Я пяць хлябоў падзяліў між пяці тысячаў, колькі поўных кашоў кавалкаў вы назьбіралі?» Кажуць Яму: «Дванаццаць».
адсутнічае
«А калі сем між чатырох тысячаў, колькі поўных кашоў кавалкаў назьбіралі?» Яны сказалі: «Сем».
адсутнічае
І сказаў ім: «Як жа не разумееце?»
адсутнічае
І прыходзіць у Бэтсаіду, і прыводзяць да Яго сьляпога, і просяць Яго, каб дакрануўся да яго.
адсутнічае
І, узяўшы сьляпога за руку, вывеў яго за мястэчка і, плюнуўшы на вочы ягоныя і ўсклаўшы на яго рукі, спытаўся ў яго, ці што бачыць.
адсутнічае
І той, зірнуўшы, сказаў: «Бачу людзей, што як дрэвы ходзяць».
адсутнічае
Потым зноў усклаў рукі на вочы яго і зрабіў, каб бачыў. І той зрабіўся здаровым, і ясна мог усё бачыць.
адсутнічае
І паслаў яго ў дом ягоны, кажучы: «Не заходзь у мястэчка і не кажы нікому ў мястэчку».
адсутнічае
І пайшоў Ісус з вучнямі Сваімі ў паселішчы Цэзарэі Філіпавай. І ў дарозе пытаўся ў вучняў Сваіх, кажучы: «Кім называюць Мяне людзі?»
І пайшоў Ісус з Сваімі вучнямі ў сёлы Кесарыі Піліпавае. У дарозе Ён пытаўся Сваіх вучняў, кажучы: за каго Мяне лічаць людзі?
Яны адказалі: «Янам Хрысьціцелем, а іншыя — Ільлём, а іншыя — адным з прарокаў».
Яны адказалі Яму, кажучы: за Яна Хрысьціцеля; іншыя за Ільлю, а яшчэ іншыя за аднаго з прарокаў.
І Ён кажа ім: «А вы кім называеце Мяне?» І адказваючы, Пётар кажа Яму: «Ты — Хрыстос!»
Тады спытаўся іх: а вы за кого Мяне лічыце? Адказваючы Пятро сказаў Яму: Ты ёсьць Хрыстос.
І забараніў ім, каб нікому не гаварылі пра Яго.
І загадаў ім строга, каб нікому не гаварыхі аб Ім.
І пачаў іх навучаць, што трэба, каб Сын Чалавечы шмат перацярпеў, і быў адкінуты старшынямі, і першасьвятарамі, і кніжнікамі, і быў забіты, і праз тры дні ўваскрос.
І пачаў навучаць іх, што Чалавечаму Сыну трэба многа цярпець і што адцураюцца ад Яго старшыны і архірэі і кніжнікі, ды будзе забіты і праз тры дні ўваскросьне?
І гаварыў пра гэта адкрыта. І Пётар, адклікаўшы Яго, пачаў забараняць Яму.
І сказаў тыя словы адкрыта. І Пятро, узяўшы Яго на бок, пачаў дакараць Яго.
Ён жа, павярнуўшыся і глянуўшы на вучняў Сваіх, забараніў Пятру, кажучы: «Адыйдзі ад Мяне, шатан, бо думаеш не пра тое, што Божае, але што чалавечае».
А Ён аглянуўшыся і бачучы Сваіх вучняў, зганіў Пятра, кажучы: адыйдзі ад Мяне, шатан, бо думаеш не аб Божым, але аб людзкім.
І, паклікаўшы натоўп разам з вучнямі Сваімі, сказаў ім: «Калі хто хоча ісьці за Мною, няхай адрачэцца самога сябе, і возьме крыж свой, і ідзе за Мною.
І паклікаўшы грамаду разам з Сваімі вучнямі, сказаў ім: калі хто хоча йсьці за Мною, хай адрачэцца ад самога сябе і возьме свой крыж ды няхай насьледуе Мяне.
Бо хто хоча выратаваць душу сваю, той загубіць яе; а хто загубіць душу сваю дзеля Мяне і дзеля Эвангельля, той збавіць яе.
Бо хто хоча захаваць сваю душу, загубіць яе; але хто загубіць сваю душу дзеля Мяне і Эвангельля, той захавае яе.
Бо што за карысьць чалавеку, калі ён здабудзе ўвесь сьвет, а душы сваёй пашкодзіць?
Бо якая карысьць чалавеку, калі-б здабыў увесь сьвет, але запрапасьціў сваю дуцу?
Або што дасьць чалавек у выкуп за душу сваю?
Або што дасьць чалавек узамен за сваю душу?
Бо хто пасаромеецца Мяне і словаў Маіх у гэтым пакаленьні, чужаложным і грэшным, таго і Сын Чалавечы пасаромеецца, калі прыйдзе ў славе Айца Свайго з анёламі сьвятымі».
Бо хто пасаромеецца Мяне і Маіх словаў перад гэтым блудным і грэшным родам, дык і Сын Чалавечы пасаромеецце яго, калі прыйдзе ў славе Свайго Айца з сьвятымі ангеламі.
