1 Яна 3 разьдзел
Першае пасланьне Яна
Пераклад Чарняўскага 2017 → Біблія Скарыны (Апосталъ)
Паглядзіце, якую любоў даў нам Айцец, каб мы называліся дзецьмі Божымі! Свет таму не ведае нас, што не пазнаў Яго.
Видите какову любов далъ ест намъ Отець, да чада Божия наречемся, сего ради миръ не весть насъ, яко не позналъ Его •
Улюбёныя, мы цяпер дзеці Божыя, але яшчэ не выявілася, кім мы будзем. Ведаем, што, калі гэта выявіцца, мы будзем падобныя да Яго, бо ўбачым Яго такім, якім Ён ёсць.
Возлюбленіи ныне чада Божия есмы, и еще не явися что будемъ, вемы ж внегда явится подобни Ему будем понежь узримъ Его, якоже ест •
І кожны, хто мае такую надзею ў Ім, ачышчае сябе падобна таму, як Ён чысты.
И всякъ имеяй надежду сию Нань оцещаеть себе, якоже Онъ чистъ ест •
Кожны, хто ўчыняе грэх, дапускаецца і беззаконня, бо грэх ёсць беззаконне.
Всякий чиняй грех и безаконие творить, и грехъ ест безаконие •
І ведаеце, што Ён аб’явіўся на тое, каб забраць нашы грахі, і ў Ім няма граху.
И весте яко Онъ явися, да грехи наша возметь, и греха в Немъ несть •
Кожны, хто застаецца ў Ім, не грашыць; ніводзін жа з тых, што грашаць, не бачыў Яго і не пазнаў Яго.
Всякъ иже о Немъ пребываеть не согрешаеть • Всякъ согрешаяй не виде Его, ни разуме Его •
Дзеткі! Хай ніхто вас не зводзіць. Хто робіць справядлівасць, той справядлівы, як і Ён справядлівы.
Чадца мои никтоже да прельщаеть васъ, творяй правду праведникъ естъ, якоже и Онъ праведникъ ест •
Хто ўчыняе грэх, той ад д’ябла, бо д’ябал ад пачатку грашыць. Дзеля гэтага і аб’явіўся Сын Божы, каб знішчыць справы д’ябла.
Творяй же грехъ от диявола ест, яко исперва диявол согреши • О семъ явися Сынъ Божій, да разрушит дела дияволя •
Кожны, хто нарадзіўся ад Бога, не ўчыняе граху, бо застаецца ў ім семя Яго; і не можа ён грашыць, бо нарадзіўся ад Бога.
Всяк рожденый от Бога греха не творить, яко семя Его в немъ пребываеть, и не можеть грешити, яко от Бога рожден естъ •
Гэтым выяўляюцца дзеці Божыя і дзеці д’ябла: кожны, хто не робіць справядлівасці, не ёсць ад Бога, таксама як і той, хто не любіць брата свайго.
О семъ явлена суть чада Божия, и чада диавола • Каждый не чиняй правды несть от Бога и не любяй брата своего,
Бо такое ёсць абвяшчэнне, каторае чулі вы ад пачатку, каб мы любілі адзін аднаго.
яко сее ест звестование еже слышасте исперва, да любим друг друга •
Не як Каін: ён быў ад ліхога і забіў брата свайго. А чаму яго забіў? Бо ўчынкі яго былі благія, а брата яго — справядлівыя.
Не якоже Каинъ от неприязни бе, и закла брата своего, и за кою вину закла и? Яко дела его лукава быша, брата же его праведна,
Не дзівіцеся, браты, калі свет ненавідзіць вас.
не дивитеся братия моя, аще ненавидит вас миръ,
Мы ведаем, што перайшлі ад смерці да жыцця, бо любім братоў; хто не любіць брата, той трывае ў смерці.
мы вемы яко прейдохом от смерти в живот, яко любим братию, не любяі брата пребывает вес мертвъ •
Кожны, хто ненавідзіць брата свайго, ёсць забойца, а вы ведаеце, што ніводзін забойца не мае ў сабе жыцця вечнага, якое трывае ў Ім.
Всякъ ненавидяй брата своего человекоубійца естъ, и весте яко всякій человекоубійца не имать живота вечного в собе пребывающего •
З таго пазналі мы любоў, што Ён аддаў душу Сваю за нас; і мы павінны аддаваць душу за братоў.
О семъ познахом любовь, яко Онъ за насъ душу свою положи, и мы должни есмо за братию душе свое полагати •
Калі хто мае багацце гэтага свету і бачыць, што брат яго жыве ў нястачы, і зачыняе сэрца сваё ад яго, дык як можа трываць у ім любоў Божая?
Онже бо имать имение мира, и видит брата своего требующа, и затворит утробо свою от него • Како любовъ Божия пребывает в немъ?
Дзеткі мае, будзем любіць не словам ці языком, але справай і праўдай.
Чадца мои не любимо толико словомъ, а языкомъ, но деломъ и истинною •
Па гэтым пазнаем, што мы ад праўды, ды супакоім перад абліччам Яго сэрцы нашы,
И по семъ познаемъ яко от истинны есмы, и пред Нимъ смиримъ серца наша,
бо калі наша сэрца асуджае нас, дык Бог большы за наша сэрца і ведае ўсё.
занеже потопляет ли насъ серце наше, болей ест Богъ серца нашего, и знает вся •
Улюбёныя, калі сэрца наша не асуджае нас, маем адвагу перад Богам
Возлюбленніи аще серце наше не потопляеть насъ надежу имамы ко Богу,
і, пра што прасіць будзем, атрымаем ад Яго, бо захоўваем прыказанні Яго і робім тое, што Яму падабаецца.
и чего попросим приимемъ от Него • Яко заповеди Его соблюдаемъ, и вгодная пред Ним творимъ •
А прыказанне Яго такое: каб мы верылі ў імя Яго Сына Ісуса Хрыста і любілі адзін аднаго, як Ён нам загадаў.
И сия естъ заповедь Его, да веруемъ во имя Сынае Его Ісуса Христа, и возлюбим другъ друга якоже заповеда •
І хто выконвае прыказанні Яго, той трывае ў Ім, а Ён — у тым, і тое, што Ён трывае ў нас, пазнаём па Духу, Якога Ён нам даў.
И соблюдая заповеди Его в Немъ пребывает, и той в Нем • И о семъ разумеемъ яко пребываеть в нас от духа иже далъ естъ намъ •
