Марка 7 разьдзел
Паводле Марка Сьвятое Дабравесьце
Пераклад Анатоля Клышкi → Пераклад Л. Гарошка
І збіраюцца да Яго фарысеі і некаторыя з кніжнікаў, што прыйшлі з Іерусаліма.
І сабраліся да Яго фарысэі і некаторыя з кніжнікаў, што прыйшлі з Ерузаліму.
І, убачыўшы, што некаторыя з Яго вучняў ядуць хлеб нячыстымі, гэта значыць, нямытымі рукамі, [папракнулі],
І ўбачылі некаторых Ягоных вучняў, што елі хлеб нячыстымі, гэта значыць нямытымі рукамі.
бо фарысеі і ўсе іудзеі, калі не вымыюць старанна рук, не ядуць, пільнуючыся падання старэйшых,
Бо фарысэі і ўсе жыды, трымаючыся звычаяў старшых, не ядуць, не памыўшы добро рук.
і, вярнуўшыся з рынку, калі не абмыюцца, не ядуць і ёсць шмат іншага, чаго яны прынялі пільнавацца: мыцця чашаў, і кубкаў, і меднага посуду, [і лавак] —
І вярнуўшыся з торгу, пакуль сябе не пакропяць, не ядуць. Ёсьць многа іншага, чаго яны прыняўшы, трымаюцца: мыцьцё кубкаў, збанкоў, меднага судзьдзя ды ўслонаў.
і пытаюцца ў Яго фарысеі і кніжнікі: Чаму Твае вучні не жывуць паводле падання старэйшых, а нячыстымі рукамі ядуць хлеб?
Дык спыталіся ў Яго фарысэі і кніжнікі: чаму Твае вучні не паступаюць згодна з звычаямі старшых, але нямытымі рукамі ядуць хлеб?
Ён жа сказаў ім: Добра прарочыў Ісаія пра вас, крывадушных, як напісана: «Гэты народ вуснамі шануе Мяне, сэрца ж іх далёка адстаіць ад Мяне;
Ён-жа адказаў ім: добра прарочыў аб вас крывадушных Ісаія, як напісана: гэты народ паважае Мяне вуснамі, але іхняе сэрца далёка ад Мяне.
але дарэмна пакланяюцца Мне, навучаючы вучэнням чалавечым запаведзям.
Але дарма аддаюць Мне Чэсьць, калі вучаць навукі і загадаў людзкіх.
Пакінуўшы запаведзь Божую, вы трымаецеся чалавечага падання [абмывання кубкаў і чашаў і шмат іншага, падобнага да такога, робіце вы].
Бо вы, занядбаўшы Божае прыказаньне, трымаецеся людзкога звычаю абмываньня збанкоў, кубкаў, і робіце шмат чаго іншага падобнага да гэтага.
І казаў ім: Вы спрытна адхіляеце запаведзь Божую, каб ваша паданне захоўваць.
адсутнічае
Бо Маісей казаў: «Шануй свайго бацьку і сваю маці» і: «Хто ліхасловіць бацьку ці маці, няхай смерцю памрэ».
адсутнічае
Вы ж кажаце: «Калі чалавек скажа бацьку ці маці: Карван (гэта значыць дар Богу) тое, чым бы ты ад мяне пакарыстаўся», —
адсутнічае
вы ўжо дазваляеце яму нічога не рабіць для бацькі ці маці,
адсутнічае
адмяняючы слова Божае вашым паданнем, якое вы перадаяце; і шмат падобнага да гэтага вы робіце.
адсутнічае
І, паклікаўшы зноў натоўп, Ён казаў ім: Пачуйце Мяне ўсе і зразумейце!
І заклікаўшы зноў увесь народ, сказаў да іх: слухайце Мяне ўсе ды зразумейце.
Няма нічога звонку чалавека, што, уваходзячы ў яго, можа апаганіць яго, але што з чалавека выходзіць, тое апаганьвае чалавека.
Няма нічога звонку чалавека, што ўвайходзячы ў яго, магло-б зрабіць яго нячыстым, але тое, што выходзіць з чалавека, гэта тое робіць чалавека нячыстым.
[Калі хто мае вушы, каб чуць, няхай чуе]17.
адсутнічае
І калі ад нотоўпу Ён увайшоў у дом, Яго вучні спыталіся ў Яго аб прыпавесці.
адсутнічае
І Ён кажа ім: Няўжо і вы такія някемлівыя? Не разумееце, што ўсё тое, што ўваходзіць звонку ў чалавека, не можа апаганіць яго,
адсутнічае
бо ўваходзіць яму не ў сэрца, а ў жывот і ў адыходнае месца выходзіць, чым ачышчаецца ўсялякая ежа.
адсутнічае
Ён жа казаў: Што з чалавека выходзіць, тое апаганьвае чалавека.
адсутнічае
Бо з сярэдзіны, з сэрца людзей, ліхія развагі выходзяць, распуста, крадзеж, забойствы,
Бо з нутра з людзкога сэрца выходзяць дрэнныя думкі, распуста, блуд, забойствы,
чужаложства, хцівасць, зласлівасць, подступ, распушчанасць, ліхое вока, блюзнерства, пыха, дурнота;
зладзействы, прагавітасьць, злоба, здрада, бязглуздасьць, ліхое вока, блюзьнерства, гордасьць, дурната.
усё гэтае ліха з сярэдзіны выходзіць і апаганьвае чалавека.
Усё тое дрэннае выходзіць знутра і робіць чалавека нячыстым.
І, устаўшы, Ён пайшоў адтуль у ваколіцы Тыра [і Сідона]. І, увайшоўшы ў дом, хацеў, каб ніхто не ўведаў, ды не змог утаіцца;
адсутнічае
бо адразу пачула пра Яго жанчына, у чыёй дачкі быў нячысты дух, і, прыйшоўшы, прыпала да Яго ног;
адсутнічае
а была жанчына грачанка, сірафінікіянка родам; і прасіла Яго, каб выгнаў дэмана з яе дачкі.
адсутнічае
І Ён казаў ёй: Пусці спярша наесціся дзецям, бо нядобра забраць хлеб у дзяцей і кінуць шчанятам.
адсутнічае
Яна ў адказ Яму кажа: [Так], Госпадзе, [але] і шчаняты пад сталом ядуць крошкі ў дзяцей.
адсутнічае
І Ён сказаў ёй: За гэтае слова — ідзі, выйшаў дэман з твае дачкі.
адсутнічае
І, пайшоўшы ў свой дом, яна знайшла, што дзіця ляжыць на ложку і дэман выйшаў.
адсутнічае
І, зноў выйшаўшы з межаў Тыра, Ён прыйшоў праз Сідон да Галілейскага мора, пасярод межаў Дзесяцігораддзя.
І зноў, выйшаўны з граніцаў Тыру, прайшоў праз Сыдон да Галілейскага мора ў межы Дзесяціградзьдзя.
І прыводзяць да Яго глухога, які з цяжкасцю гаварыў, і просяць Яго, каб усклаў руку на яго.
І прывялі да Яго глуханямога ды прасілі Яго ўзлажыць на яго руку.
І, адвёўшы яго асобна ад натоўпу, Ён уклаў Свае пальцы яму ў вушы і, плюнуўшы, дакрануўся да яго языка,
І ўзяўшы яго на бок ад народу, улажыў свае пальцы ў ягоныя вушы і плюнуўшы, дакрануўся да ягонага языка
і, узвёўшы вочы ў неба, Ён цяжка ўздыхнуў і кажа яму: «Эффафа», гэта значыць: «Расчыніся».
і, глянуўшы на неба, уздыхнуў і сказаў яму: эффата! што значыць: расчыніся!
І адразу адчыніліся яго вушы, і развязаліся путы яго языка, і ён пачаў гаварыць чыста.
І ўраз-жа адчаніліся ягоныя вушы і разьвязаліся путы ягонага языка, і пачаў ясна гаварыць.
І Ён загадаў ім, каб яны нікому не казалі; але чым больш загадваў, тым больш яны разносілі вестку.
І загадаў, каб нікому не казалі. Але чым больш ім наказваў, тым больш разгалошвалі.
І надзвычай дзівіліся, кажучы: Добра ўсё Ён робіць: і глухім дае слых, і нямым — мову.
І тым больш падзіўлялі, кажучы: усё добра зрабіў; і глухім вярнуў слух, і нямым — мову.
