Псалтыр 9 псалом
Псалтыр
Пераклад Сабілы і Малахава → Пераклад Міхаіла Астапчыка
Кіраўніку хору: на лад песьні: Памры за сына. Псальм Давідавы.
Кіроўцу хору. Аб смерці Лабэна. Псалом Давіда.
Буду славіць Ягову ад усяго сэрца; усе цуды Твае абвяшчаціму.
Буду славіць Цябе, Божа, ад усяго сэрца майго, Паведаю ўсе справы Твае.
У Табе буду радавацца і весяліцца, выслаўляціму Імя Тваё, о, Найвышэйшы,
Буду вясяліцца і радавацца пра Цябе, Пеці імя Твае, Вышні.
бо ворагі мае ўцякаюць, спатыкаюцца і гінуць перад Абліччам Тваім.
Калі ворагі мае звярнуліся назад, То падуць і загінуць перад тварам Тваім.
Бо Ты ўчыніў суд мой і справу маю завяршыў; Ты сядзіш на Пасадзе, як справядлівы Судзьдзя.
Бо Ты сеў на Прастол, Судзя правядны, Прайзвесці суд мой і цяжбу маю.
Ты ўгнявіўся на паганаў, зьнішчыў бязбожнага; імя іхнае зруйнаваў на вякі вякоў.
Угневаўся на народы, і знішчыў бязбожнага, Імя ягонае панішчыў навек і векі вечныя.
Ворагі зьнішчаны — руіна навекі; і месты разбурыў Ты, счэзла і памяць аб іх.
У ворага зброі не засталося зусім, І гарады Ты парушыў яго, і памяць аб ім з вэрхалам знікла.
Але Ягова прабывае на векі; Ён прыгатаваў Пасад Свой дзеля суду.
Бог жа будзе навекі, Прыгатаваў Прастол Свой дзеля суда.
І Ён будзе судзіць гэты сьвет паводля справядлівасьці, і будзе судзіць народы паводля праўды.
Па праўдзе судзіць будзе свет, Судзіць людзей па справядлівасці.
І будзе Ягова прытулкам для прыгнечаных, прытулкам у час тугі.
Стаў Госпад прытулкам для беднага, Паплечнікам і ў дабрабыце, і ў бядзе.
І будуць спадзявацца на Цябе тыя, што ведаюць Імя Тваё, бо Ты, Ягова, ня пакідаеш тых, хто шукае Цябе!
І спадзяюцца на Цябе ўсе ведаючыя імя Твае, І Ты не пакінеш шукаючых Цябе, Божа.
Сьпявайце хвалу Ягове, Які жыве на Сыёне, апавядайце між народамі ўчынкі Ягоныя!
Спявайце Богу, што жыве на Сіёне, Паведайце народам усе спачыны Яго.
Бо Той, Хто спаганяе за кроў, успомніў пра іх: Ён ня забыўся пра плач прыгнечаных.
Бог не забыў пралітай крыві, Не забыў стогну прыгнечаных.
Зьлітуйся нада мною, Ягова! Глянь на бядоту маю ад маіх нянавісьнікаў, — Ты, што падыймаеш мяне ад брамаў сьмерці,
Угледзі мяне, Божа, бач пакуты мае ад непрыяцеляў маіх, Ратуй мяне ад смяротныя брамы.
каб я абвяшчаў усю хвалу Тваю ў брамах дачкі Сыёнавай і радаваўся са збаўленьня Твайго.
І ўслаўлю Цябе перад брамай дачцы Сіёна, Парадуюся уратаванні Твайму.
Паўваліваліся пагане ў яму, што самі выкапалі; у сетку, што ўкрадкам паставілі, ублуталася нага іхная.
Уваліліся народы ў яму, што самі капалі, У сеткі, што самі стварылі, папалася нага іх.
Ягова даў спазнаць Сябе, учыніўшы суд; ва ўчынках рук сваіх заблытаўся бязбожнік. (Зэля).
Пазнаецца Бог па суду, які творыць: У справах рук сваіх пагрузне грэшны.
Няхай сыйдуць грэшнікі ў пекла, усе народы, што забываюць Бога.
Да звернуцца бязбожнікі ў пекла, Усе людзі, што пазабылі Бога.
Бо ня на векі будзе забыты ўбогі, і надзея няшчасьлíвых ня згіне назаўсёды.
Бо не назаўсёды забыты бедны, Цярпенне ўбогіх не загіне навечна.
Паўстань, Ягова, ня дай чалавеку здабыць перавагу; хай будуць суджаны пагане перад Абліччам Тваім.
Паўстані, Божа, да не ўзвышаецца чалавек, Да асудзяцца людзі перад тварам Тваім.
Навядзі, Ягова, страх на іх! няхай пазнаюць пагане, што яны людзі! (Зэля).
Дай ім, Божа, закон над імі, Да зразумеюць, што чалавекі яны.
