Да Эфэсянаў 5 разьдзел
Пасланьне да Эфэсянаў
Пераклад Васіля Сёмухі → Пераклад Сабілы і Малахава
Дык вось, сьледуйце Богу, як дзеці любасныя,
Дык будзьце пасьлядоўнікамі Бога, як любасныя дзеці,
і жывеце ў любові, як і Хрыстос палюбіў нас і аддаў Сябе за нас у прынашэньне і ахвяру Богу, на пахошчы прыемныя.
і жывіце ў любові, як і Хрыстос узьлюбіў нас і аддаў Сябе за нас у прынашэньне і ахвяру Богу, як водар прыемны.
А распуста і ўсялякая нечысьць і любазьдзірства не павінны нават упамінацца ў вас, як гэта прыстойна сьвятым.
А блудадзейства і ўсякая нячыстасьць ці сквапнасьць (на чужое) нават і ўспамінацца ня павінны паміж вамі, як і належыць сьвятым,
Таксама і брыдкаслоўе і пустаслоўе і пакепства не да гонару вам; а наадварот, хай лепш будзе падзяка;
і няпрыстойныя паводзіны і пустаслоўе ці пахабныя жарты ня (павінны быць вам) уласьцівымі, але ле́пей падзяка.
бо ведайце, што ніякі распусьнік, альбо нячысты, альбо любазьдзірца, які ёсьць ідаласлужэнец, ня мецьме спадчыны ў Царстве Хрыста і Бога.
Бо вы гэта ведаеце, што ўсякі блудадзей альбо нячысты, альбо хцівец, які ёсьць балванаслужка, ня мае спадчыны ў Валадарстве Хрыста і Бога.
Хай ніхто ня зводзіць вас пустымі словамі, бо за гэта прыходзіць гнеў Божы на сыноў бунтоўных:
Няхай ніхто вас ня зводзіць пустымі словамі, бо за гэтае прыходзіць гнеў Бога на сыноў няпаслушэнства;
дык жа ня будзьце супольнікамі іхнімі.
таму ня будзьце саўдзельнікамі іхнымі.
Вы былі колісь цемра, а цяпер — сьвятло ў Госпадзе: дык паводзьцеся, як дзеці сьвятла,
Бо вы былі некалі цемрай, а цяпер — сьвятло ў Госпадзе: жывіце, як дзеці сьвятла,
бо плод Духа — ва ўсякай даброці, праведнасьці і ісьціне.
бо плод Духа — ва ўсякай дабрыні, праведнасьці і праўдзе,
Шукайце таго, што да спадобы Богу,
дасьледуйце, што заўгодна Госпаду;
і не бярэце ўдзелу ў бясплённых дзеях цемры, а яшчэ і выкрывайце,
і ня ўдзельнічайце ў бясплодных учынках цемры; але лепш і выкрывайце,
бо пра тое, што яны робяць таемна, сорамна і казаць.
бо пра тое, што яны робяць таемна, сорамна і гаварыць;
А ўсё, што выкрываецца, выяўляецца ў сьвятле, бо ўсё, што робіцца яўным, ёсьць сьвятло.
і ўсё выкрываемае сьвятлом робіцца бачным, — бо сьвятло робіць усё бачным.
Таму сказана: «устань, хто сьпіць, і ўваскрэсьні зь мёртвых, і асьветліць цябе Хрыстос!».
Таму кажа: «той, хто сьпіць, устань і ўваскрэсьні зь мёртвых, і асьве́тліць цябе Хрыстос».
Дык глядзеце, дзейце асьцярожна, не як неразумныя, а як мудрыя,
Дык глядзеце, як асьцярожна павінны вы жыць: ня як няразумныя, але як мудрыя,
цэнячы дорага час, бо дні — ліхія.
(максімальна) выкарыстоўваючы прыдатны час, таму што дні ліхія.
Дык ня будзьце ж неразважныя, а спазнавайце, што ёсьць воля Божая.
Дзеля гэтага ня будзьце няразумнымі, але пазнавайце, якая воля Госпада.
І ня ўпівайцеся віном, ад якога бывае распуста; а напаўняйцеся Духам,
І ня ўпівайцеся віном, у якім ёсьць распуста, але напаўняйцеся Духам,
настаўляючы саміх сябе псальмамі і славаслоўем і духоўнымі сьпевамі, сьпяваючы і апяваючы ў сэрцах вашых Госпада,
настаўляючы саміх сябе псальмамі і гімнамі і богахвалебнымі сьпевамі, пяючы і іграючы ў сэрцах вашых Госпаду,
дзякуючы заўсёды за ўсё Богу і Айцу, у імя Госпада нашага Ісуса Хрыста,
заўсёды дзякуючы за ўсё, у Імя Госпада нашага Ісуса Хрыста, Богу і Ба́цьку,
слухаючыся адно аднаго ў страху Божым.
слухаючыся адзін аднаго ў страху Божым.
Жонкі, упакорвайцеся сваім мужам, як Госпаду,
Жонкі, слухайцеся мужоў сваіх, як Госпада,
бо муж ёсьць галава жонкі, як і Хрыстос — галава Царквы, і Ён жа Збаўца цела.
таму што муж ёсьць галава жонкі, як і Хрыстос — Галава царквы, і Ён ёсьць Збавіцель цела.
Але як Царква слухаецца Хрыста, так і жонкі сваіх мужоў ва ўсім.
Але як царква слухаецца Хрыста, так і жонкі сваіх мужоў ва ўсім.
Мужы, любеце сваіх жонак, як і Хрыстос палюбіў Царкву і аддаў Сябе за яе,
Мужы, любіце жонак сваіх, як і Хрыстос узьлюбіў царкву і аддаў Сябе Самога за яе,
каб асьвяціць яе, ачысьціўшы мыцьцём водным, праз слова;
каб асьвяціць яе, ачысьціўшы абмываньнем вадою праз Слова (Пісаньні Божыя);
каб прадставіць яе Сабе слаўнаю Царквою, бяз плямы, без заганы, або чаго-небудзь падобнага, а каб яна была сьвятая і беззаганная.
каб паставіць яе Сабе царквою слаўнаю, якая ня мае ні плямы, ні заганы, альбо чаго-небудзь падобнага, але каб яна была сьвятой і бяззаганнай.
Так павінны мужы любіць сваіх жонак, як сваё цела: хто любіць сваю жонку, любіць самога сябе.
Мужы павінны любіць сваіх жонак так, як свае целы: хто любіць сваю жонку, той любіць самога сябе.
Бо ніхто ніколі ня меў нянавісьці да сваёй плоці, а корміць і грэе яе, як і Гасподзь Царкву;
Бо ніхто ніколі сваё цела ня нянавідзіў, але корміць і даглядае яго, як і Госпад — царкву,
бо мы часткі Цела Ягонага, ад плоці Ягонай і ад касьцей Ягоных.
таму што мы — чэлясы Цела Ягонага, ад Цела Ягонага і ад Костак Ягоных.
Таму «пакіне чалавек бацьку свайго і маці і прылепіцца да жонкі сваёй, і будуць двое адна плоць».
«Таму пакіне чалавек ба́цьку свайго і матку і прылепіцца да жонкі сваёй, і будуць двое (аб’яднаны) у адно цела».
Тайна гэтая вялікая; я кажу пра Хрыста і пра Царкву.
Тайна гэтая вялікая; я ж кажу пра Хрыста і пра царкву.
Так кожны з вас хай любіць сваю жонку, як самога сябе; а жонка хай баіцца свайго мужа.
Дык і вы: хай кожны з вас сваю жонку любіць так, як сябе; а жонка хай баіцца мужа.
