Псалтыр 4 псалом

Псалтыр
Пераклад Чарняўскага 2017 → Пераклад Міхаіла Астапчыка

 
 

Кіраўніку хору. На струнах. Псальм Давідаў.
 
Кіроўцу хору. На струнавых прыладах. Псалом Давіда.

Калі я клічу Цябе, выслухай мяне, Божа справядлівасці маёй. У турбоце Ты даваў мне прастору; злітуйся нада мною і выслухай маленне маё.
 
Калі заклікаю я, пачуй мяне, Божа праўды маёй! У цясноце Ты даеш мне прастору, уміласэрніся і пачуй маленне мае.

О сыны чалавечыя, дакуль жа будзеце благімі сэрцам? Чаму вы любіце марнасць і шукаеце хлусню?
 
Род чалавечы, навошта благія сэрцам? Навошта любіце марнае і няпраўду шукаеце?

Ведайце, што Госпад цудоўна ўслаўляе святога Свайго. Бог выслухае, калі буду Яго клікаць.
 
Вось бачыце, як Бог дзівосна сатварыў святому Свайму, Бог пачуе мяне, калі ўсклічу я да Яго.

Калі гневаецеся, не грашыце; разважце ў сэрцах вашых на ложках вашых і супакойцеся!
 
Гневаючыся, не грашыце, І аб чым казалі ўдзень у сэрцы сваім, аб тым на ложку вашым умілуйцеся.

Складзіце ахвяру праўды і майце надзею ў Богу.
 
Рабіце ахвяры праўды І спадзявайцеся на Бога.

Шмат якія кажуць: «Хто паказвае нам даброты?» Узнімі над намі, як знак, святло аблічча Твайго!
 
Шмат людзей кажа: «Хто дабро нам дасць?» Праззяў на нас свет Твару Твайго.

Надаў Ты большую радасць у сэрца маё, чым калі памнажаюцца ў іх пшаніца ды віно.
 
Узвясяліў сэрца маё Бог, А тыя ад памнажэння жыта, віна і алею свайго абагаціліся.

У спакоі кладуся і засынаю, бо Ты адзіны, Госпадзе, даеш мне жыць ў бяспецы.
 
З мірам засынаю і спачываю, Бо Ты адзіны, Божа, абараняеш мяне.