Псалтыр 4 псалом
Псалтыр
Пераклад Чарняўскага 2017 → Пераклад Язэпа Германовіча
Кіраўніку хору. На струнах. Псальм Давідаў.
Кіраўніку хору на струнных гуслях. Псальм Давідавы.
Калі я клічу Цябе, выслухай мяне, Божа справядлівасці маёй. У турбоце Ты даваў мне прастору; злітуйся нада мною і выслухай маленне маё.
Калі я клічу, паслухай мяне, Божа мой, Ты — справядлівы! Ты ў прыгнёцце даваў мне звальненне. Зжалься нада мною і паслухай маю малітву!
О сыны чалавечыя, дакуль жа будзеце благімі сэрцам? Чаму вы любіце марнасць і шукаеце хлусню?
Ах, людзі! Дакуль будзеце цьвёрдага сэрца? Чаму любіце марнасць і шукаеце няпраўды?
Ведайце, што Госпад цудоўна ўслаўляе святога Свайго. Бог выслухае, калі буду Яго клікаць.
Ведайце, што дзіўны учыніў Госпад свайго Святога. —(а) Госпад паслухае мяне, калі буду Яго клікаць.
Калі гневаецеся, не грашыце; разважце ў сэрцах вашых на ложках вашых і супакойцеся!
Дрыжыце, а не грашыце! Разважайце на ложах вашых, але маўчыце.(б)
Складзіце ахвяру праўды і майце надзею ў Богу.
Нясеце праўдзівыя ахвяры і спадзявайцеся на Госпада!
Шмат якія кажуць: «Хто паказвае нам даброты?» Узнімі над намі, як знак, святло аблічча Твайго!
Людзі кажуць: “Хто пакажа нам шчасьце?”. Ты, Госпадзе, узьнімі над намі сьветласьць твайго аблічча!
Надаў Ты большую радасць у сэрца маё, чым калі памнажаюцца ў іх пшаніца ды віно.
Ты, Госпадзе, напоўніў сэрца маё большай радасьцяй, чым маюць тыя, што сабралі збожжа і віна багата.
У спакоі кладуся і засынаю, бо Ты адзіны, Госпадзе, даеш мне жыць ў бяспецы.
Спакойна лягу і засну я зара, бо Ты адзін, Госпадзе, даеш мне бяспечнасьць.
