Псалтыр 26 псалом
Псалтыр
Пераклад Чарняўскага 2017 → Пераклад Язэпа Германовіча
Давідаў. Прызнай мне, Госпадзе, справядлівасць, бо пачаў я хадзіць у бязвіннасці сваёй і не саслабею, спадзеючыся на Госпада.
Псальм Давідавы.(а) Судзі мяне, Госпадзе, бо я паступаў у нявіннасьці маёй: я апіраўся на Госпада і ня блукаўся.
Выпрабуй мяне, Госпадзе, і ўчыні мне іспыт, растапі [мне] вантробы мае і сэрца маё.
Выпрабуй мяне, Госпадзе, і рассудзі мяне: дасьведч, як агнём, мае ныркі і сэрца!
Бо міласэрнасць Твая ў мяне перад вачамі, і жыву я ў праўдзе Тваёй.
Маю прад вачыма тваю любоў і хаджу ў тваей праўдзе.
Не сядзеў я разам з мужамі марнымі, і не ўвайду разам з тымі, што дзейнічаюць спадцішка.
Я не засядаў з ашуканцам і не жадаў заходзіць да крывадушніка.
Узненавідзеў я зборышча злачынцаў і з бязбожнікамі разам не сядаю.
Я брыджуся зборкі зламысных і з бязбожнікамі не засядаю.
У знак нявіннасці абмыю я рукі мае і абыду кругом ахвярнік Твой, Госпадзе,
Я абмываю рукі мае ў нявіннацьці і абыходжу аўтар твой, Госпадзе.
каб адкрыць для вушэй воклічы хвалы і паведаміць пра ўсе дзівосы Твае.
Каб голасна падзякаваць Табе і апавядаць усе цуды твае.
Палюбіў я прыстанішча дому Твайго і месца пражывання хвалы Тваёй.
Госпадзе, я люблю памешканне дому твайго і месца храму славы тваей.
Не губі з бязбожнікамі душы маёй і з мужамі крыважэрнымі — жыцця майго.
Ня злучай душы маей з грэшнікамі, ані жыцьця майго з крывапійцамі!(б)
На руках іх ліхадзействы, правіца іх поўная хабараў.
На руках іх — злачынства, а правіца — поўная покупаў.
Я ж пачаў хадзіць у нявіннасці сваёй, збаў мяне і пашкадуй мяне.
А я хаджу ў маей нявіннасьці: Збаў мяне і зжалься нада мною!
На роўнай дарозе стаіць мая нага, славіць буду Госпада ў святынях.
Мая нага стаіць на роўнай дарозе: на зборках буду благаславіць Госпада.
