Псалтыр 95 псалом

Псалтыр
Пераклад Чарняўскага 2017 → Пераклад Язэпа Германовіча

 
 

Прыходзьце, узрадуемся Госпаду; уславім гучна Бога збаўлення нашага.
 
Хадзеце, радасна засьпяваем Госпаду, выслаўляці будзем скалу нашага збаўленьня!

Успрымем загадзя аблічча Яго, у вызнанні і ў псальмах гучна ўславім Яго.
 
Прыступім прад Ім з падзякаю, з гукамі музыкі выслаўляйма Яго!

Бо вялікі Госпад і вялікі валадар над усімі багамі.
 
Бо хто ёсьць Бог? Вялікі, Госпад і Цар вялікі над усімі багамі.

Бо ў руцэ Яго глыбіні зямныя і вышыні горныя — у Яго.
 
У руцэ Яго — глыбіні зямныя і верхавіны гораў — Ягоныя.

Бо ў Яго — мора, і Ён стварыў яго, і сушу яго рукі сфармавалі.
 
Ягонае ёсьць мора, бо Ён Сам стварыў яго і сухаземле, якое Яго рукі сфармавалі.

Прыходзьце, паклонімся, і ўкленчым, схілім калені перад Госпадам, Які стварыў нас,
 
Хадзеце, суклонімся і упадзем, укленчым прад Госпадам, нашым Тварцом!

бо Ён ёсць Бог наш, мы ж народ пашы Яго і авечкі рукі Яго. О, каб вам сёння
 
Бо Ён ёсьць Бог наш, а мы — народ, Ягонага стада, авечкі Ягонае рукі. О, каб вы сяньня

паслухаць голас Яго: не закамяняйце сэрцаў вашых,
 
паслухалі голасу Яго! Не рабіце жорсткімі сэрцы вашыя,

як у Мэрыбе, як у дзень спакушэння ў Масе ў пустыні, дзе спакушалі Мяне бацькі вашы: выпрабоўвалі Мяне, хоць і бачылі справы Мае.
 
як у Мэрыбе, як у дзень Масса ў пустыні! Дзе айцы вашыя прабавалі і спакушалі Мяне, хоць і бачылі маё дзела.

Сорак гадоў надакучала Мне гэтае пакаленне, і сказаў Я: «Яны — народ аблудных сэрцам. І яны не пазналі шляхоў Маіх;
 
Сорак гадоў чуў Я агіду до роду гэтага; дык сказаў Я: “Гэта людзі блуднага сэрца, яны дарог маіх не знаюць.

дык пакляўся Я ў гневе Маім; не ўвойдуць яны ў супачынак Мой».
 
Дык пакляўся Я ў гневе маім: “Ніколі яны ня ўвойдуць у супакой мой!”