Псалтыр 47 псалом

Псалтыр
Пераклад Чарняўскага 2017 → Пераклад Язэпа Германовіча

 
 

Кіраўніку хору. Сыноў Корэ. Псальм.
 
Кіраўніку хору. Сыноў Карэевых. Псальм.

Усе народы пляскайце ў далоні, слаўце Бога голасам радасці.
 
Усе народы, пляскайце далоньмі, сьпявайце Богу з радасьці вялікае!

Бо Госпад — найвышэйшы, страшны, магутны Валадар над усёй зямлёй.
 
Бо страшны Ён — Госпад Найвышэйшы, Вялікі Валадар над усенькаю зямлёю!

Ён падначальвае нам народы і плямёны пад нашы ногі.
 
Ён даў пад нашую ўладу народы і людзей — пад нашыя ногі.

Выбраў Ён для нас спадчыну нашу, хвалу Якуба, якога палюбіў.
 
Ён выбірае нам нашую спадчыну — красу Якуба, якога Ён любіць.

Уваходзіць Бог між радасці і Госпад пры гуку трубы.
 
Узнесься Бог з клічам радасьці — Госпад — пры гуках трубных.

Спявайце Богу, спявайце. Спявайце Валадару нашаму псальмы.
 
Слаўце Бога ў псальмах, слаўце! Сьпявайце Валадару нашаму, сьпявайце!

Бо Валадар усёй зямлі — Бог, спявайце ж з мудрасцю.
 
Ён ёсьць Валадар над усею зямлёю: сьпявайце Богу вельмі прыгожа!

Бог валадарыць над народамі, Бог сядзіць на пасадзе Сваім святым.
 
Бог валадае над усімі народамі: Ён засядае на сваім сьвятым пасадзе.

Князі народаў сышліся з народам Бога Абрагамава, бо шчыты зямныя — у Бога: Ён узвысіўся вельмі высока.
 
Князі народаў злучыліся зь людзьмі Бога Аўраамавага, бо шчыты на зямлі — Божыя: Ён высака узьнесен (над імі).