Псалтыр 63 псалом
Псалтыр
Пераклад Чарняўскага 2017 → Пераклад Язэпа Германовіча
Псальм Давідаў. Калі быў ён у пустыні Юдэйскай.
Псальм Давідавы, калі ён быў у пустыні Юдэйскай.
Божа, Ты — мой Бог, перад Табою я чуваю ад світання. Сасмягла па Табе душа мая, Цябе запатрабавала цела маё ў зямлі пустыннай, ссохлай і бязводнай.
Божа, Ты — Бог мой! Я Цябе ўзаранку шукаю. Душа мая прагне Цябе, па Табе тужыць маё цела, як зямля сухая, __________, бязводная.
У святыні адкрыў я Цябе, каб убачыць магуцце Тваё і славу Тваю.
Так і я ў сьвятыні выглядаю Цябе, каб убачыць сілу і славу Тваю.
Бо міласэрнасць Твая лепшая за жыццё. Вусны мае будуць хваліць Цябе.
Бо міласьць лепш за жыцьцё: вусны мае хваліць Цябе будуць.
У жыцці маім дабраслаўляю Цябе, у імя Тваё падымаю я рукі мае.
Гэтак хваліць Цябе буду за жыцьця майго, а ў Імя тваё — узьнімаць рукі мае.
Быццам тукам і маслам алівы, насыціцца душа мая, і голасам радасці хваліць будуць вусны мае.
Душа мая насыціцца як бы салам і тлушчам, вусны мае радасным сьпевам уславяць Цябе,
Буду помніць я Цябе на пасцелі маёй, і на золку буду разважаць пра Цябе.
калі буду ўспамінаць аб Табе на пасьцелі маей: у час чуваньня начнога разважаю аб Табе.
бо Ты — Успаможца мой, і пад покрывам крылаў Тваіх я радуюся.
Бо Ты стаў маей успамогай і ў цяню тваіх крыльляў я весялюся.
Прытулілася да Цябе душа мая, правіца Твая падтрымлівае мяне.
Душа мая да Цябе прытулілася, правіца твая мяне падтрымлівае.
А тыя, што будуць шукаць пагібелі для душы маёй, сыдуць у апраметныя зямлі,
Тыя ж, што шукаюць загубы маей, няхай зайдуць у прадоньне зямлі!
хай загінуць яны ад мяча, пажывай лісаў будуць.
Каб былі пабітыя мячом і каб сталі дабычаю шакалаў!
А цар узвесяліцца ў Богу; праслаўлены будуць усе, хто прысягнуў Яму, бо закрыліся вусны тых, хто прамаўляе несправядліва.
А Цар будзе радавацца ў Богу і хто праз Яго прысягае, будзе хваліцца. А вусны брахлівыя будуць заткнёныя.