Псалтыр 28 псалом
Псалтыр
Пераклад Чарняўскага 2017 → Пераклад Язэпа Германовіча
Давідаў. Да Цябе, Госпадзе, усклікаю; Божа мой, не будзь бязмоўным перада мною, і я ніколі не буду падобны да тых, што сыходзяць у магілу.
Псальм Давідавы. Да Цябе, Госпадзе, я клічу (гукаю). Скала мая, ня будзь глухі на кліч мой! Каб праз тваё маўчаньне ня быў я падобны на тых, што зыходзяць у магілу.
Выслухай голас малення майго, калі ўсклікаю да Цябе, калі ўздымаю рукі мае да святой святыні Тваёй.
Пачуй голас маей малітвы, калі клічу да Цябе, калі ўзношу свае рукі да сьвятога прыбытку твайго, Госпадзе!
Не прыцягвай мяне разам з грэшнікамі і з тымі, што чыняць несправядлівасць. Яны размаўляюць мірна з блізкім сваім, але ж ліха ў сэрцы іх.
Не загубі мяне з бязбожнікамі і злачынцамі, што гукаюць аб згоде з бліжнімі сваімі, а ў душы маюць ліхое.
Дай ім паводле спраў іх і паводле нягоднасці вымыслаў іх. Паводле справы рук іх адплаці ім, аддай ім адплату іх.
Дай ім, Госпадзе, паводле іхніх учынкаў і паводле іхняга злачынства: Паводле работы рук іхніх аддай іхнюю заплату!
Паколькі не разумеюць яны спраў Госпада і справу рук Яго, зруйнуй іх і не аднаўляй.
Бо яны не зважаюць на ўчынкі Госпада і на дзейнасьць рук тваіх,- дык няхай Ён зьнішчыць іх і не адбудуе!
Дабраславёны Госпад, бо выслухаў голас малення майго.
Няхай будзе Госпад пахвалены, бо пачуў голас маей малітвы!
Госпад — памочнік мой і абаронца мой, у Ім знайшло надзею сэрца маё, і ў песні маёй адкрыюся Яму.
Госпад моц мая і шчыт мой: на Яго спадзяецца сэрца маё і Ён успамог мяне. І ўзрадавалася сэрца маё і песьняю маею дзякую Яму.
Госпад — цвярдыня народа Свайго і збавеннае прыбежышча намашчэнца Свайго.
Госпад — моц народу свайго: для Памазанца Ён ёсьць абарона збаўленьня.(а)
Збаў Твой народ і дай дабраславенне нашчадкам Тваім, і пасві іх і ўзвышай іх на векі вечныя.
Спасі народ твой і благаславі спадчыну тваю:(б) спасі іх і ўзнось іх навекі!