Псалтыр 48 псалом
Псалтыр
Пераклад Чарняўскага 2017 → Пераклад Язэпа Германовіча
Песня. Псальм. Сыноў Корэ.
Песьня. Псальм. Сыноў Карэевых.
Вялікі Госпад і праслаўлены вельмі ў горадзе нашага Бога.
Вялікі Госпад і вельмі годны хвалы — у месьце Бога нашага, на сьвятой гарэ.
Святая гара Яго, прыгожы ўзгорак — радасць усёй зямлі. Гара Сіён, скрай поўначы, горад вялікага Валадара.
Слаўны ўзгорак, радасьць усяе зямлі — гэта Сыён, на берагу паўночным места Вялікага Цара.
Бог у дамах яго вядомы зрабіўся як прыстанішча.
Бог у сярэдзіне сваіх харомаў аказаўся як крэпасьць.
Бо сышліся цары, сабраліся, як адзін.
І вось сабраліся цары і разам наступілі.
Калі ж самі ўбачылі, так здзівіліся, што стрывожыліся і ўцяклі.
Яны, пабачыўшы, здумеліся: спужаўшыся, уцяклі.
Страх напаў там на іх і боль, быццам у парадзіхі.
Напала на іх жахлівасьць, дрыжаньне, як у родзячай жанчыны.
Ветрам усходнім скрышыў Ты караблі Тарсіскія.
Як усходні вецер крышыць караблі з Тарсіс.
Так, як мы спачулі, так і пабачылі ў горадзе Бога Магуццяў, у горадзе нашага Бога, Бог заснаваў яго навек.
Як нам гаварылі, так мы ўбачылі у месьце Госпада Сілаў Нябесных, у месьце Бога нашага: Бог умацаваў яго навекі.
Мы разважаем, Божа, пра Тваю міласэрнасць пасярод святыні Тваёй.
Мы разважаем, о Божа, тваю міласьць пасярод тваей сьвятыні.
Як імя Тваё, Божа, так і хвала Твая — да ўскрайкаў зямлі. Правіца Твая поўная справядлівасці.
Як Імя тваё, Божа, так і слава твая — разляглася да ўзьмежкаў зямлі: правіцца твая поўніца справядлівасьці.
Хай весяліцца гара Сіён, хай радуюцца дочкі Юды з прычыны Тваіх судоў.
Дзеля цудаў тваіх, Госпадзе, радуецца гара Сыёнская, весяляцца дочкі Юдэйскія.
Абыдзіце Сіён наўкола і абдыміце яго, палічыце яго вежы.
Пайдзіце ўздоўж Сыёну, абыйдзіце яго і вежы яго палічыце!
Адчуйце сэрцам вашым магуцце яго і прабяжыцеся ўздоўж дамоў яго, каб расказаць іншаму пакаленню.
Прыгледзьцеся на ўмацаваньне яго, агледзьце харомы яго, каб расказаць патомкам,
Бо гэта і ёсць Бог, Бог наш навечна і на векі вечныя; Ён павядзе нас праз вякі.
Што гэта ёсьць Бог, наш Бог на век-вякоў і Ён нас павядзе!