Псалтыр 46 псалом

Псалтыр
Пераклад Чарняўскага 2017 → Пераклад Язэпа Германовіча

 
 

Кіраўніку хору. Сыноў Корэ. Паводле «Аламот...» Песня.
 
Кіраўніку хору. Сыноў Карэевых. Песьня.

Бог — наша прыстанішча і магуцце, хуткі памочнік у нягодах.
 
Бог нам прыпынак і сіла, успамога ў труднасьцях заўсёды гатовая.

Таму не пабаімся, калі б зямля захісталася і горы перанесліся ў сэрца мора.
 
Таму ня спужаемся, хоцьбы зямля затрэслася і горы ўпалі ў сэрца мора.

Хай шумяць і ўздымаюцца яго воды, дрыжаць горы, здрыгануцца горы ў хваляванні Яго.
 
Няхай шумяць і кіпяць воды ягоныя, няхай трасуцца горы ад напору ягонага! З намі Госпад Сілаў Нябесных, Бог Якубавы — наш абаронца.

Воды ракі радуюць горад Божы, святы прыпынак Найвышэйшага.
 
Струменьні ў рэках весяляць места Божае: яны асьвячаюць харомы Найвышэйшага.

Бог знаходзіцца ў ім, і ён не пахіснецца. Бог дапаможа яму на світанні.
 
Бог ёсьць пасярод яго, ён не захістаецца: Бог паможа яму, як настане раніца.

Узбурыліся народы, захісталіся царствы; падаў Ён голас Свой — расцяклася зямля.
 
Бунтаваліся народы і хісталіся царствы: Ён падняў свой голас і зямля расплылася.

Госпад магуццяў з намі, прыстанішча наша — Бог Якубаў.
 
З намі Госпад Сілаў Нябесных, Бог Якубавы — наш абаронца.

Прыходзьце і пабачце справы Божыя, якія дзівосы чыніць Ён на зямлі.
 
Прыйдзіце і ўбачыце дзела Гасподняе, якім дзівам зямлю напаўняе!

Ён спыняе войны аж па край зямлі. Ён трэ лукі і ламае зброю, а шчыты паліць агнём.
 
Ён спыняе войны аж на край сьвету: паламаў лук і скрышыў кап’ё, а шчыты іхнія спаліць.

Спачніце і паглядзіце, што Я — Бог: буду ўзнесены Я між народамі і буду ўзнесены Я на зямлі.
 
Спыніцеся, а пазнайце, што я ёсьць Бог — узвышшаны між народамі і на зямлі ўзвышшаны.

Госпад магуццяў з намі, прыстанішча наша — Бог Якубаў.
 
З намі Госпад Сілаў Нябесных, Бог Якубавы — наш абаронца.