Псалтыр 128 псалом

Псалтыр
Пераклад Чарняўскага 2017 → Пераклад Язэпа Германовіча

 
 

Песня ўзыходжання. Шчасны кожны, хто шануе Госпада, хто ходзіць па Яго дарогах.
 
Песьня узыходжаньня. Шчасьлівыя ўсе тыя, якія баяцца Госпада, якія ходзяць ягонымі дарогамі.

Бо з працы рук тваіх будзеш харчавацца, шчасны будзеш і добра будзе табе.
 
З працы рук тваіх ты будзеш карыстаці: паводзіны і шчасьце табе!

Жонка твая, як плодная галінка вінаграду ў пакоях дому твайго; сыны твае, як парасткі аліўныя вакол твайго стала.
 
Жонка твая, як вінаградная лаза, пладавітая у глыбіні дому твайго; сыны твае, як аліўкавыя галіны навакол стала твайго.

Вось, так дабраславёны будзе чалавек, які шануе Госпада.
 
Вось якім дабром будзе багаслаўлены чалавек, які бога баіцца.

Хай дабраслаўляе цябе Госпад з Сіёна, а ты глядзі на даброты Ерузаліма ва ўсе дні жыцця твайго,
 
Няхай багасавіць цябе Госпад з Сыёну на ўсе дні жыцьця твайго! Каб ты мог бачыць Ерузалім шчасьлівым

і глядзі на сыноў тваіх сыноў. Супакой над Ізраэлем!
 
І бачыць сыноў ад сыноў тваіх! Мір Ізраілю!