Псалтыр 135 псалом
Псалтыр
Пераклад Чарняўскага 2017 → Пераклад Язэпа Германовіча
Алілуя. Хваліце імя Госпада, хваліце, слугі Госпадавы,
Алелюя! Хваліце Імя Гасподняе, слаўце, слугі Гасподнія,
вы, што стаіце ў доме Госпадавым, на дзядзінцы дому Бога нашага.
Вы, што стаіце ў доме Гасподнім, у падворку дому Бога нашага!
Хваліце Госпада, бо Госпад добры; спявайце псальмы імю Яго, бо яно мілае.
Хвалеце Госпада, бо Ён добры ёсьць Госпад: сьпявайце псальмы Імяні Яго, бо яно мілае.
Бо Госпад выбраў сабе Якуба, Ізраэля на ўласнасць Сваю.
Бо Госпад выбраў Якуба, Ізраіля — на сваю ўласнасьць.
Бо я спазнаў, што вялікі Госпад, і Бог наш [вышэйшы] за ўсіх багоў.
Але я ведаю, што Ён вялікі ёсьць, Госпад, што наш Валадар вышэй за ўсіх багоў.
Усё, што толькі захоча Госпад, здзейсніць Ён на небе і на зямлі, на моры і ва ўсіх глыбінях вадзяных.
Усё, што Яму даспадобы, Ён творыць на небе й на зямлі, у морах і ў іхніх глыбінях.
Прыганяе хмары з канца зямлі, выклікае дождж маланкамі; выводзіць Ён вятры з клецяў Сваіх.
Ён хмары ўзводзе ад краю зямлі, выводзіць з маланкамі дождж выпускае вецер з скарбніцаў сваіх.
Ён перабіў першынцаў у Егіпце, так людзей, як і жывёлу.
Ён пабіў первародых у Эгіпце — ад чалавека — аж да скаціны.
Паказаў знакі і цуды пасярод цябе, Егіпет, для фараона і для ўсіх слуг яго.
Ён паслаў знакі і цуды пасярод цябе, Эгіпце, над фараонам і ўсімі слугамі яго.
Ён перабіў многа народаў паганскіх і забіў цароў дужых:
Ён разьбіў паганаў у вялікім ліку і загубіў магутных цароў.
Сэгона, цара амарэяў, і Ога, цара Басана і ўсе царствы Ханаанскія.
Сыгона, цара Амарыйскага і Ога, цара Базанскага і ўсе канаанскія царствы.
А зямлю іх перадаў на пасяленне, на пасяленне Ізраэлю, Свайму народу.
І аддаў іх зямлю ў спадчыну, у спадчыну Ізраілю, свайму народу.
Госпадзе, вечнае імя Тваё; памяць пра Цябе — на ўсе пакаленні.
Госпадзе, Імя тваё трывае навекі! Госпадзе, памяць твая з роду ў род.
Бо Госпад апякуецца над народам Сваім і злітуецца над слугамі Сваімі.
Бо Госпад бароніць народ свой і зьлітуецца над слугамі сваімі.
Ідалы паганаў — гэта срэбра і золата, творы рук людскіх:
Паганскія ідалы — золата ды серабро, твор рук чалавечых:
маюць вусны, а не гавораць; маюць вочы, а не бачаць;
Ёсьць у іх вусны, ды не гавораць; ёсьць у іх вочы ды не бачаць.
маюць вушы, а не чуюць, і няма подыху ў вуснах іх.
Ёсьць у іх вушы, дый ня чуюць і ніякага духу няма у вуснах іхніх.
Падобнымі да іх ёсць тыя, што іх робяць, кожны, што спадзяюцца на іх.
Падобныя да іх будуць тыя, што робяць іх — кажны, хто дае ім веру.
Доме Ізраэля, дабраслаўляйце Госпада; доме Аарона, дабраслаўляйце Госпада;
Дом Ізраіля, багаславіце Госпада! Дом Аарона, багаславіце Госпада!
доме Леві, дабраслаўляйце Госпада; вы, што шануеце Госпада, дабраслаўляйце Госпада!
Дом Левія, багаславіце Госпада; вы, што баіцеся Госпада, багаславіце Госпада.
Дабраславёны Госпад з Сіёна, Які жыве ў Ерузаліме. Алілуя.
Няхай будзе багаслаўлены Госпад з Сыёну, Той што жыве ў Еразоліме! Алелюя!