Псалтыр 135 псалом
Псалтыр
Пераклад Чарняўскага 2017 → Пераклад Яна Станкевіча
Алілуя. Хваліце імя Госпада, хваліце, слугі Госпадавы,
Галілуя. Хваліце імя СПАДАРОВА, хваліце, слугі СПАДАРОВЫ,
вы, што стаіце ў доме Госпадавым, на дзядзінцы дому Бога нашага.
У доме СПАДАРОВЫМ стаячыя, на панадворках дому Бога нашага.
Хваліце Госпада, бо Госпад добры; спявайце псальмы імю Яго, бо яно мілае.
Галілуя, бо СПАДАР добры; пяіце хвалы імені Ягонаму, бо прыемнае;
Бо Госпад выбраў сабе Якуба, Ізраэля на ўласнасць Сваю.
Бо Якава абраў Сабе ЯГ, Ізраеля на Сваю апрычоную собскасьць;
Бо я спазнаў, што вялікі Госпад, і Бог наш [вышэйшы] за ўсіх багоў.
Бо я ведаю, што вялікі СПАДАР, і Спадар наш над усімі багамі.
Усё, што толькі захоча Госпад, здзейсніць Ён на небе і на зямлі, на моры і ва ўсіх глыбінях вадзяных.
Усе, што хоча СПАДАР, тое робе на нябёсах і на зямлі, на морах і ў вусіх бяздоньнях.
Прыганяе хмары з канца зямлі, выклікае дождж маланкамі; выводзіць Ён вятры з клецяў Сваіх.
Ён прычыняе, што пары падыймаюцца ад канца зямлі, робе маланьні да дажджу, выводзе вецер із скарбніцаў Сваіх.
Ён перабіў першынцаў у Егіпце, так людзей, як і жывёлу.
Ён зразіў першакоў у Ягіпце, ад чалавека аж да статку.
Паказаў знакі і цуды пасярод цябе, Егіпет, для фараона і для ўсіх слуг яго.
Паслаў знакі а чудосы сярод цябе, Ягіпце, на Фараона а на ўсіх слугаў ягоных.
Ён перабіў многа народаў паганскіх і забіў цароў дужых:
Каторы зразіў шмат народаў і забіў дужых каралёў:
Сэгона, цара амарэяў, і Ога, цара Басана і ўсе царствы Ханаанскія.
Сыгона, караля Аморэйскага, Оґа, караля Вашанскага, і ўсі каралеўствы Канаанскія;
А зямлю іх перадаў на пасяленне, на пасяленне Ізраэлю, Свайму народу.
І даў зямлю іхную на спадак, на спадак Ізраелю, люду Свайму.
Госпадзе, вечнае імя Тваё; памяць пра Цябе — на ўсе пакаленні.
Імя Твае, СПАДАРУ, на векі; памятка Твая, СПАДАРУ, ад пакаленьня аж да пакаленьня.
Бо Госпад апякуецца над народам Сваім і злітуецца над слугамі Сваімі.
Бо будзе судзіць СПАДАР люд Свой і над слугамі сваімі будзе меці жаласьць.
Ідалы паганаў — гэта срэбра і золата, творы рук людскіх:
Балваны паган срэбныя а залатыя, работа рук людзкіх.
маюць вусны, а не гавораць; маюць вочы, а не бачаць;
Вусны ў іх, але ня гукаюць; вочы ў іх, але ня бачаць;
маюць вушы, а не чуюць, і няма подыху ў вуснах іх.
Вушы ў іх, але ня ўважаюць, нават няма дыху ў ратох іхных.
Падобнымі да іх ёсць тыя, што іх робяць, кожны, што спадзяюцца на іх.
Падобныя да іх будуць робячыя іх, кажны, што спадзяецца на іх.
Доме Ізраэля, дабраслаўляйце Госпада; доме Аарона, дабраслаўляйце Госпада;
Доме Ізраеляў! дабраслаўце СПАДАРА. Доме Ааронаў! дабраслаўце СПАДАРА.
доме Леві, дабраслаўляйце Госпада; вы, што шануеце Госпада, дабраслаўляйце Госпада!
Доме Леваў! дабраслаўце СПАДАРА. Вы, што баіцеся СПАДАРА! Дабраслаўце СПАДАРА.
Дабраславёны Госпад з Сіёна, Які жыве ў Ерузаліме. Алілуя.
Дабраславёны СПАДАР із Сыёну, Каторы жывець, у Ерузаліме. Галілуя!
