Псалтыр 105 псалом
Псалтыр
Пераклад Чарняўскага 2017 → Пераклад Яна Станкевіча
Вызнавайце Госпада і прызывайце імя Яго, абвяшчайце між народамі пра справы Яго.
Дзякуйце СПАДАРУ, гукайце імя Ягонае, абяшчайце меж людаў учынкі Ягоныя;
Спявайце Яму і грайце псальмы Яму, апавядайце пра ўсе Яго цуды.
Пейце Яму, пейце псальмы Яму, размаўляйце праз усі чудосы Ягоныя!
Пахваляйцеся іменем святым, хай цешыцца сэрца тых, што шукаюць Госпада.
Хваліцеся сьвятым імям Ягоным, хай вяселіцца сэрца шукаючых СПАДАРА!
Шукайце Госпада і магутнасці Яго, аблічча Яго шукайце заўсёды.
Скумайце СПАДАРА а сілу Ягоную, шукайце віду Ягонага кажначасна!
Памятайце пра цуды Яго, якія ўчыніў, знакі Яго і прысуды Яго вуснаў.
Успамінайце дзіва, што Ён учыніў, знакі Ягоныя й суды вуснаў Ягоных,
Патомства Абрагамава, слугі Яго, сыны Якубавы, выбраннікі Яго.
Насеньне Абрагамова, слугі Яго, сынове Якава, абраныя Яго!
Ён, Госпад Бог наш; па ўсёй зямлі суды Яго.
Ён СПАДАР, Бог наш, па ўсёй зямлі суды Ягоныя.
Памятае Ён вечна пра Свой запавет, пра абяцанне, якое даў Ён на тысячу пакаленняў,
Памятуе на векі змову сваю, слова, расказанае тысячам пакаленьняў,
на прымірэнне, якое ўсталяваў Ён з Абрагамам, і пра прысягу Сваю Ізааку.
Каторую Ён учыніў з Абрагамом, і прысягу Сваю Ісаку,
Устанавіў Ён гэта для Якуба, як закон для Ізраэля, як вечнае прымірэнне,
І ўстанавіў Якаву правам, Ізраелю змоваю вечнаю,
кажучы: «Табе дам зямлю Ханаан, як шнур спадчыны вашай»,
Кажучы: «Табе дам тую зямлю Канаанскую, павароз спадку вашага».
калі былі лікам малымі, вельмі нешматлікімі і прыхаднямі ў ёй
Тады яны былі нячысьленыя, як штось малое, і чужаземцы ў ёй,
і вандравалі ад племя да племя і ад валадарства да другога народа,
І пераходзілі яны ад народу да народу, ад каралеўства да іншага люду,
не дазволіў Ён, каб [які] чалавек крыўдзіў іх і пакараў за іх цароў:
Ён не дазволіў чалавеку крыўдзіць іх і ганіў каралёў за іх:
«Не чапайце намашчэнцаў Маіх і прарокам Маім не рабіце зла».
«Не чапайце памазанцаў Маіх і прарокам Маім не рабіце ліха».
А потым наклікаў голад на зямлю, і змарнаваў увесь запас хлеба.
Адлі Ён прыгукаў галадоў на тую зямлю, зламіў усю падпору хлебам.
Паслаў перад імі чалавека; у няволю быў прададзены Язэп.
Перад імі паслаў чалавека, Язэпа, праданага за нявольніка.
Сціснулі кайданамі ногі яму, у жалеза ўвайшла шыя яго,
Каторага ногі сьціснулі путам, зялезамі ацяжарылі душу ягоную,
пакуль не надышло слова Яго, пакуль прамова Госпада не ачысціла яго.
Аж пакуль ня прышло слова Ягонае; Слова СПАДАРОВА пералітавала яго.
Паслаў цар і вызваліў яго, валадар народаў даў яму волю;
Паслаў кароль — і аслабаніў яго, валадар людаў — і вывальніў яго;
устанавіў яго гаспадаром над сваім домам і князем над ўсёй сваёй маёмасцю,
Прызначыў яго за спадара дому свайго і за дзяржаўцу ўсяго меньня свайго,
каб вучыў ён князёў яго паводле волі сваёй і каб яго старцаў навучаў мудрасці.
Радзіць князёў подле волі свае і старцоў ягоных вучыць мудрасьці.
І ўвайшоў Ізраэль у Егіпет, і Якуб стаў прыхаднем у зямлі Хама.
І прышоў Ізраель да Ягіпту, і Якаў асяліўся ў зямлі Хама.
І Ён размножыў вельмі народ Свой і зрабіў яго мацнейшым за яго непрыяцеляў.
І Ён размножыў люд Свой вельма, і зрабіў іх дужшымі за ўцісканьнікаў іхных.
І павярнуў Бог іх сэрца, каб у нянавісці мелі народ Яго і каб хітрасць чынілі супраць слуг Яго.
Павярнуў сэрца іхнае ненавідзіць люд Ягоны, змаўляцца патай на слугаў Ягоных.
Паслаў Ён Майсея, слугу Свайго, Аарона, якога абраў.
Паслаў Масея, слугу Свайго, і Аарона, каторага Ён абраў.
Паклаў Ён на іх словы знакаў Сваіх і цудаў у зямлі Хама.
Яны паказалі ўчынкі знакоў Ягоных памеж іх і чудосы ў зямлі Хамавай.
Наслаў цемру і зрабіў цёмна, але яны працівіліся словам Яго.
Паслаў цемнь і зацямніў, і яны не збунтаваліся супроці слова Ягонага;
Перамяніў воды іх у кроў і вынішчыў іх рыбаў.
Абярнуў воды іхныя ў кроў і замарыў рыбу іхную;
Спарадзіла іх зямля жабаў аж да пакояў цароў іх.
Зямля іхная выраіла множасьць жабаў, нават у пакоях іхных каралёў;
Сказаў Ён, і прыляцела хмара мух, і скініфы — па ўсіх межах іх.
Казаў, і прышло туды колькі гатункаў мухаў, і вошы па ўсіх граніцах іхных;
Учыніў Ён ім град замест дажджу і агонь палымяны ў зямлі іх.
Абярнуў дажджы іхныя ў град, і цяпло — ў полымя ў зямлі іхнай;
Пабіў вінаград іх і фігі іх і панішчыў дрэвы ў іх межах.
Пабіў віны іхныя, таксама й фіґі іхныя, і паламіў дзервы ў граніцах іхных;
Сказаў, і нахлынула саранча і вусені, якім не было падліку.
Казаў, і прышла шаранча а вусень, ды гэта безьліч;
І пажэрла яно ўсю траву ў іх зямлі, і пажэрла яно плод зямлі іх.
І паелі ўсе зяленіва ў краю іхным, і пажэрлі плады на зямлі іхнай;
І пабіў усіх першародных у зямлі іх, пачаткі ўсёй сілы іх.
І забіў таксама ўсіх першакоў у зямлі іхнай, пачаткі ўсяе сілы іхнае;
І вывеў іх з серабром і золатам, і не было ў іх пакаленні хворага.
І вывеў іх із срэбрам а золатам, і ня было ні воднага няўздоляючага сярод плямёнаў іхных.
Узвесяліўся Егіпет з выхаду іх, бо паў на іх страх дзеля Ізраэльцаў.
Весяліўся Ягіпет із выхаду іх, бо страх іх напаў на іх.
Расцягнуў Ён хмару, нібы покрыва, і агонь, каб свяціў ім уночы.
Прасьцягнуў булак на пакрыцьце й цяпло, сьвяціць ночы.
Прасілі, і прыляцела перапёлак, і хлебам з неба карміў іх.
Прасілі, і Ён паслаў ім перапёлкі, і хлебам нябёсным насыціў іх.
Рассек скалу, і паплылі воды, і пацяклі рэкі ў пустыню.
Адчыніў скалу, і пырснула вада, ракою пацякла па сухіх месцах.
Бо помніў Ён Сваё святое слова да Абрагама, слугі Свайго.
Бо Ён помнеў слова сьвятое Свае, Абрагама, слугу Свайго,
І вывеў Свой народ у радасці, выбраннікаў Сваіх — з весялосцю.
І вывеў люд свой з радасьцяй, зь весялосьцяй абраных Сваіх.
І даў ім землі паганаў, і авалодалі яны працаю народаў,
І даў ім землі народаў, і праца люду спала ім,
каб захоўвалі прыказанні Яго і законы Яго выконвалі. Алілуя.
Каб яны заховавалі ўставы Ягоныя і дзяржалі правы Ягоныя. Галілуя!