Псалтыр 116 псалом
Псалтыр
Пераклад Чарняўскага 2017 → Пераклад Яна Станкевіча
Алілуя. Палюбіў я, бо выслухаў Госпад голас малення майго.
Люблю, бо пачуў СПАДАР голас мой, маленьне мае,
Бо нахіліў вуха Сваё да мяне, калі прызываў я ў дні мае.
Бо прыхінуў вуха Свае да мяне, затым усі дні свае буду прыгукаць Яго.
Ахуталі мяне путы смерці і пакуты пякельныя нахлынулі на мяне. Натрапіў я на бяду і пакуту.
Сьмяротныя болі агарнулі мяне, шэолевы немарасьці стрэлі мяне; стрэлі мяне клопат а журба.
І стаў я прызываць імя Госпада: «О Божа, вызвалі душу маю».
І гукаў я імя СПАДАРОВА: «Малю Цябе, СПАДАРУ, дай уцячы душы маёй».
Міласэрны Бог і справядлівы, і Бог наш літасцівы.
Ласкучынюшчы СПАДАР а справядлівы, і Бог наш спагадае.
Сцеражэ Госпад малых; быў я прыніжаны, а Ён даў мне збаўленне.
Крые простых СПАДАР: я пагалеў, і Ён спас мяне.
Вярніся, душа мая, да спачынку твайго, бо Госпад дабро ўчыніў табе;
Зьвярніся, душа мая, да супакою свайго, бо СПАДАР адплаціў табе,
бо вырваў Ён душу маю ад смерці, вочы мае — ад слёз, ногі мае — ад падзення.
Бо Ты вывальніў душу маю ад сьмерці, вочы мае ад сьлёзаў, ногі мае ад спатыканьня.
Буду хадзіць перад Госпадам у краіне жывых.
Буду хадзіць перад СПАДАРОМ на землях жывых.
Паверыў я, і таму прамовіў: «Прыніжаны я вельмі».
Я верыў, затым я казаў: «Я вельма зьнемарашчаны».
Я ў страху сваім сказаў: «Кожны чалавек ашуканец».
Я сказаў у пасьпеху сваім: «Усі людзі манышы».
Чым жа я аддам Госпаду за ўсё, што Ён аддаў мне?
Чым я адплачу СПАДАРУ за ўсі дабрадзействы Ягоныя імне?
Вазьму келіх збаўлення і прызаву імя Госпада.
Чару спасеньня падыйму і імя СПАДАРОВА прыгукаю.
Аддам абяцанні мае Госпаду перад усім народам Яго.
Абятніцы свае СПАДАРУ споўню ў прытомнасьці ж усяго люду Ягонага.
Дарагая ў вачах Госпада смерць Яго святых.
Дарагая ў ваччу СПАДАРОВЫМ сьмерць дабрачэсьлівых Ягоных.
Госпадзе, я слуга Твой, і сын служанкі Тваёй. Ты разарваў путы мае.
Малю Цябе, СПАДАРУ, бо я слуга Твой, я слуга Твой, сын служэбкі Твае; Ты распутаў путы мае.
Злажу я Табе пахвальную ахвяру і прызаву імя Госпада.
Табе абраку аброкі падзякі і імя СПАДАРОВА буду гукаць.
Аддам абяцанні мае Госпаду перад усім народам Яго
Абятніцы свае СПАДАРУ споўню ў прытомнасьці ж усяго люду Ягонага.
на панадворку дому Госпада, пасярод цябе, Ерузалім.
На панадворках дому СПАДАРОВАГА, сярод цябе, Ерузаліме. Галілуя!
