Псалтыр 82 псалом

Псалтыр
Пераклад Чарняўскага 2017 → Пераклад Яна Станкевіча

 
 

Псальм. Асафа. Бог падымаецца на божым сходзе, пасярод багоў праводзіць суд.
 
Псальма Асафова. Бог вартуе ў збору Божым, сярод багоў судзе:

«Дакуль будзеце судзіць несправядліва і прымаць аблічча грэшнікаў?
 
«Пакуль будзеце судзіць несправядліва і шанаваць відзеньні нягодных? Сэля.

Справядліва судзіце няшчаснага і сірату, апраўдвайце прыгнечанага і беднага.
 
Бараніце кволага а сірату, убогага а беднага апраўляйце;

Вырывайце беднага і вызваляйце няшчаснага з рукі грэшніка».
 
Ратуйце кволага а гарапяку, з рукі нягодных ратуйце яго».

Яны не ведаюць, не разумеюць, ходзяць у цемры; захістаюцца ўсе асновы зямныя.
 
Яны ня ведаюць ані сьцямяць, у цемні ходзяць; усі поды зямлі захісталіся.

Я сказаў: «Вы ўсе — багі і сыны Узвышняга».
 
Я быў сказаўшы: «Вы — багове, і сынове Навышняга — усі вы.

Але ж вы памраце, як людзі, і прыйдзеце ў заняпад, як адзін з князёў.
 
Але вы памрыце, як людзі, і паваліцеся, як кажны з князёў».

Паўстань, Божа, судзі зямлю, бо Ты маеш права над усімі народамі.
 
Паўстань, Божа, судзі зямлю, бо Табе спадуць усі народы.