Псалтыр 29 псалом
Псалтыр
Пераклад Чарняўскага 2017 → Пераклад Яна Станкевіча
Давідаў. Прыносьце Госпаду, сыны Божыя, прыносьце Госпаду хвалу і магутнасць.
Псальма Давідава. Дайце СПАДАРУ, сынове Божыя, дайце СПАДАРУ чэсьць а моц.
Прыносьце Госпаду хвалу імя Яго, услаўляйце Госпада ў святым ззянні.
Дайце СПАДАРУ славу імені Ягонага; кланяйцеся СПАДАРУ ў харашыні сьвятасьці.
Голас Госпада над водамі, загрымеў Бог велічы: Госпад над бязмежнымі водамі.
Голас СПАДАРОЎ над водамі; Бог сьці грыміць, СПАДАР над шмат водамі.
Голас Госпада магутны! Голас Госпада велічны.
Голас СПАДАРОЎ у сіле, голас СПАДАРОЎ у харашыні.
Голас Госпада, Які ламае кедры; і паламае Госпад кедры Лібана,
Голас СПАДАРОЎ ломе кедры, і паламіў СПАДАР кедры лібанскія.
змушае скакаць Лібан, нібы цялятка, а Сірыён, нібы маладога адзінарога.
Ён сіле іх падскакаваць, як цялё, Лібан а Шырыён, — як буйлянё.
Голас Госпада, Які выкрасае агністае полымя.
Голас СПАДАРОЎ выкрасае полымя цяпла;
Голас Госпада, Які трасе пустыню, і патрасе Госпад пустыню Кадэс.
Голас СПАДАРОЎ трасець пустынёю; трасець СПАДАР пустынёю Кадэш;
Голас Госпада, Які хутка дасць абрадзініцца аленіхам і аголіць гушчары, і ў святыні Яго ўсе прамовяць: «Хвала!»
Голас СПАДАРОЎ трасець дубамі і агаляе лясы. І ў святыні Ягонай усе гукае: «Чэсьць!»
Госпад трывае па-над патопам, і будзе сядзець Госпад як Валадар вечна.
СПАДАР над патопаю сядзіць, і сядзіць СПАДАР, як кароль, на векі.
Госпад дасць сілу Свайму народу, Госпад дасць дабраславенне народу Свайму ў супакоі.
СПАДАР сілу люду Свайму даець! СПАДАР дабраславе люд Свой супакоям.
