Псалтыр 71 псалом
Псалтыр
Пераклад Чарняўскага 2017 → Пераклад Яна Станкевіча
У Табе, Госпадзе, маю надзею: не пасаромлюся навек.
Да Цябе, СПАДАРУ, уцякаю; няхай не засаромлюся на векі!
У Сваёй справядлівасці вызваляй мяне і ратуй мяне, нахілі да мяне сваё вуха і збаў мяне.
У справядлівасьці Сваёй вывальні мяне й выбаў мяне; нахіні вуха Свае да мяне й выбаў мяне!
Будзь для мяне скалой абароны і ўмацаваным домам, каб збавіў Ты мяне, бо Ты цвярдыня мая і прыстанішча маё.
Будзь імне скалаю прытулішча прыходзіць кажначасна; Ты расказаў вывальніць мяне, бо скала мая а горад Ты.
Божа мой, вырві мяне з рукі грэшніка і з рукі беззаконнага і несправядлівага.
Божа мой! выбаў мяне ад рукі нягоднікаў, ад рукі крыўдніка а ўцісканьніка;
Бо Ты — чаканне маё, Госпадзе; Госпадзе, надзея мая ад юнацтва майго.
Бо Ты надзея мая, Спадару мой СПАДАРУ, давер мой з маладосьці мае.
На Табе я ўгрунтаваўся ад нараджэння, з улоння маці маёй Ты апякун мой, для Цябе хвала мая заўсёды.
На Цябе я апіраюся ад улоньня; з нутра маці мае Ты вывеў мяне; у Табе хвала мая кажначасна.
Мо дзіўным паказаўся я для многіх, а Ты — магутны Успаможца.
Быццам дзіва я быў шмат каму, але Ты моцны ўцёк мой.
Хай напоўняцца вусны мае хвалою Тваёй, цэлы дзень — веліччу Тваёй.
Мой рот напоўніцца хвалы Твае й харашыні Твае ўвесь дзень.
Не адпіхай мяне ў часіну старасці; калі саслабее магуцце маё, не пакідай мяне.
Не адкінь мяне ў часе старасьці; як высіліцца сіла мая, не пакінь мяне,
Бо намаўлялі непрыяцелі мае на мяне і тыя, што падпільноўвалі душу маю, учынілі змову,
Бо змаўляюцца злосьнікі мае на мяне, і цікуючыя на душу маю радзяцца разам,
кажучы: «Бог пакінуў яго! Даганіце і схапіце яго, бо няма Таго, Хто ўратуе».
Кажучы: «Бог пакінуў яго; перасьлядуйце, схапіце яго, бо няма выбавіцеля».
Божа, не аддаляйся ад мяне, Божа мой, паспяшы мне на дапамогу.
Божа! не здаляйся ад мяне; Божа мой! на памогу імне барзьдзі.
Хай пасаромяцца і знікнуць тыя, што варожа ставяцца да душы маёй; хай пакрыюцца сорамам і ганьбаю тыя, што шукаюць для мяне ліха.
Хай пасарамацяцца, хай шчэзнуць праціўнікі душы мае; хай зачырванеюцца із сораму а ганьбы шукаючыя ліха імне!
А я вось буду заўсёды спадзявацца і памнажаць буду кожную хвалу Тваю.
А я буду кажначасна спадзявацца й буду павялічаць хвалу Табе.
Вусны мае абвясцяць справядлівасць Тваю, цэлы дзень — збаўленне Тваё, бо не ведаю ёй межаў.
Мой рот будзе абяшчаць справядлівасьць Тваю, увесь дзень праз спасеньне Твае, бо я ня ведаю лікаў іх.
Прыйду я да сіл Госпада; буду ўспамінаць я толькі пра Тваю справядлівасць.
Увыйду ў моцы Спадара СПАДАРА, буду менаваць справядлівасьць, Тваю адно.
Божа, Ты вучыў мяне ад юнацтва майго, а я аж дасюль абвяшчаю цуды Твае.
Божа, Ты вучыў мяне з маладосьці мае; і дагэтуль я абяшчаю чудосы Твае.
І да самай старасці і нямогласці, Божа, не пакідай мяне, аж пакуль абвяшчаць буду пра магутную руку Тваю кожнаму пакаленню, якое прыйдзе ў будучым. Сіла Твая
І аж да старасьці а сівізны, Божа, не пакінь мяне, пакуль не агалашу плячо Твае пакаленьню й кажнаму прыйдучаму празь сілу Тваю.
і справядлівасць Твая, Божа, аж да вышыняў, учыніў Ты вялікія справы: Божа, хто ж падобны да Цябе?
А справядлівасьць Твая, Божа, да вышыні; Ты, што робіш вялікія справы, Божа, хто, як Ты?
Ты паказаў мне шматлікія і ліхія беды; ды зноў ажывіў Ты мяне і з бездані зямной ізноў вывеў.
Ты, Каторы даў імне шмат якія й ліхія немарасьці, Ты ізноў ажывіш мяне, з глыбіняў зямлі ізноў падыймеш мяне.
Ты памнож велічнасць маю і, вярнуўшыся, суцеш мяне.
Ты памножыш вялічча мае і ўзноў пацешыш мяне.
Я таксама буду вызнаваць Цябе, у псалтыры — праўду Тваю, Божа мой, спяваць псальмы Табе буду на гуслях, о Святы Ізраэльскі.
Таксама й я буду выхваляць Цябе на гусьлях, праўду Тваю, Божа мой; буду граць хвалу Табе на гарпе, Сьвяты Ізраеляў!
Радавацца будуць мае вусны, калі буду спяваць Табе, і мая душа, якую Ты адкупіў;
Вусны мае будуць гукаць з радасьці, бо я пяю Табе, і душа мая, каторую Ты выбавіў.
але і язык мой цэлы дзень разважаць будзе пра справядлівасць Тваю, бо пасаромяцца і баяцца будуць тыя, што шукаюць ліха на мяне.
І язык мой увесь дзень будзе абяшчаць справядлівасьць Тваю, бо засарамочаны, бо паганьбены шукаючыя ліха імне.
