Псалтыр 61 псалом
Псалтыр
Пераклад Чарняўскага 2017 → Пераклад Яна Станкевіча
Кіраўніку хору. На струнах. Давідаў.
Кіраўніку хору. На струнных снадзях. Псальма Давідава.
Выслухай, Божа, маленне маё, зваж на малітву маю.
Пачуй мае галашэньне, Божа, выслухай малітву маю.
З канцоў зямлі ўсклікаў я да Цябе, бо трывожыцца сэрца маё. На скалу непрыступную завядзі мяне!
З канца зямлі гукаю да Цябе, як сэрца мае мляўкае; на скалу, вышшую за мяне, узьвядзі мяне;
Бо стаўся Ты надзеяй маёй, моцнай вежай перад непрыяцелем.
Бо Ты быў уцёкам маім, моцнаю вежаю супроці непрыяцеляў.
Буду жыць я вечна ў палатцы Тваёй, схаваюся пад покрывам крылаў Тваіх,
Буду жыць у будане Тваім на векі, схаваюся ў схове крылаў Тваіх (Сэля);
бо ты, Божа мой, выслухаў абяцанні мае, даў спадчыну тым, што шануюць імя Тваё.
Бо Ты, Божа, пачуў абятніцы мае, Ты даў імне спадак тых, што баяцца імені Твайго.
Ты дадасі дні да днёў цара, гады ж яго — праз пакаленні і пакаленні.
Дні да дзён каралёвых Ты дадай, а гады ягоныя з роду да роду;
Хай сядзіць ён вечна перад Богам; міласэрнасць і ласка хай захоўваюць яго.
Няхай сядзіць вечна перад Богам; прызнач ласку а праўду сьцерагчы яго.
Так буду я спяваць псальмы імю Твайму на векі вечныя, каб спаўняць мне абяцанні мае ад дня да дня.
І буду заўсёды пяваць імені Твайму, каб заладзіць абятніцы свае дзень удзень.