Псалтыр 61 псалом

Псалтыр
Пераклад Чарняўскага 2017 → Пераклад Антонія Бокуна

 
 

Кіраўніку хору. На струнах. Давідаў.
 
Кіраўніку хору: на струнных інструмэнтах. Давіда.

Выслухай, Божа, маленне маё, зваж на малітву маю.
 
Пачуй, Божа, галашэньне маё, зваж на малітву маю!

З канцоў зямлі ўсклікаў я да Цябе, бо трывожыцца сэрца маё. На скалу непрыступную завядзі мяне!
 
Ад краю зямлі да Цябе клічу, калі зьнемагае сэрца маё; на скалу, што ўзвышаецца нада мною, узьвядзі мяне!

Бо стаўся Ты надзеяй маёй, моцнай вежай перад непрыяцелем.
 
Бо Ты быў прыстанішчам маім, вежай моцы маёй супраць ворага.

Буду жыць я вечна ў палатцы Тваёй, схаваюся пад покрывам крылаў Тваіх,
 
Буду жыць у намёце Тваім вечна, маю надзею пад заслонаю крылаў Тваіх. (Сэлях)

бо ты, Божа мой, выслухаў абяцанні мае, даў спадчыну тым, што шануюць імя Тваё.
 
Бо Ты, Божа, чуў абяцаньні мае, Ты даў валоданьне тым, што баяцца імя Твайго.

Ты дадасі дні да днёў цара, гады ж яго — праз пакаленні і пакаленні.
 
Дадай дні да дзён валадара, няхай гады яго [будуць] з пакаленьня ў пакаленьне,

Хай сядзіць ён вечна перад Богам; міласэрнасць і ласка хай захоўваюць яго.
 
Няхай жыве вечна перад абліччам Божым; прызнач міласэрнасьць і праўду, каб захоўвалі яго!

Так буду я спяваць псальмы імю Твайму на векі вечныя, каб спаўняць мне абяцанні мае ад дня да дня.
 
Дык буду выслаўляць імя Тваё на вякі, буду спаўняць абяцаньні мае кожны дзень.