Псалтыр 113 псалом
Псалтыр
Пераклад Чарняўскага 2017 → Пераклад Антонія Бокуна
Алілуя. Хваліце, слугі Госпадавы, хваліце імя Госпада.
Альлелюя! Хвалеце, слугі ГОСПАДА, хвалеце імя ГОСПАДА!
Хай будзе імя Госпада дабраслаўлёна з [гэтага] часу, цяпер і вечна.
Няхай будзе дабраслаўлёнае імя ГОСПАДА ад цяпер і на вякі!
Ад усходу сонца і да захаду яго хай будзе ўслаўлена імя Госпада.
Ад усходу сонца да захаду яго няхай будзе хвалёнае імя ГОСПАДА!
Госпад узвышаны над усімі народамі, слава Яго над нябёсамі.
Узьвялічаны ГОСПАД над усімі народамі; па-над нябёсы слава Ягоная.
Хто ж, як Госпад Бог наш, Які жыве на вышынях?
Хто як ГОСПАД, Бог наш, Які жыве ў вышыні
І схіляецца, каб пазіраць на неба і на зямлю?
і схіляецца, каб паглядзець на неба і зямлю;
Падымае Ён з зямлі ўбогага, з гною выцягвае беднага,
Які з пылу падымае гаротніка, з гною ўзносіць беднага,
каб памясціць яго з князямі, з князямі народа Свайго.
каб пасадзіць яго сярод магнатаў, сярод магнатаў народу Свайго;
Ён робіць так, што няплодная пасяляецца ў доме як маці, што радуецца сынам.
Які бясплодную садзіць у доме як маці, якая радуецца сынам [сваім]? Альлелюя!
