Псалтыр 122 псалом

Псалтыр
Пераклад Чарняўскага 2017 → Пераклад Антонія Бокуна

 
 

Песня ўзыходжання. Давідава. Узвесяліўся я тым, што сказалі мне: «Пойдзем у дом Госпадаў».
 
Сьпеў узыходжаньня. Давіда. Узрадаваўся я, калі мне сказалі: «Хадзем у Дом ГОСПАДА!»

Ужо стаяць ногі нашы ў тваіх брамах, Ерузалім.
 
Вось, ногі нашыя стаяць у брамах тваіх, Ерусаліме!

Ерузалім, што быў пабудаваны як горад увесь заключаны ў адно цэлае.
 
Ерусаліме! Ты пабудаваны, як горад, які злучаны разам,

Туды прыходзяць пакаленні, пакаленні Госпада, па законе Ізраэля, каб праслаўляць імя Госпада.
 
куды ўваходзяць калены, калены ГОСПАДА, як сьведчаньне для Ізраіля, каб славіць імя ГОСПАДА,

Бо там пастаўлены пасады суду, пасады дому Давідава.
 
бо там стаяць пасады судовыя, пасады дому Давіда.

Прасіце таго, што [прыносіць] супакой Ерузаліму: «Хай жывуць у супакоі тыя, што любяць Цябе!
 
Прасіце пра супакой для Ерусаліму! Няхай маюць дабрадзенства тыя, якія любяць цябе.

Хай будзе супакой у Тваіх мурах, бяспека ў палацах Тваіх!»
 
Супакой няхай будзе ў мурах тваіх, дабрабыт — у палацах тваіх.

Дзеля братоў маіх і блізкіх маіх прамоўлю: «Супакой Табе!»
 
Дзеля братоў маіх і бліжніх маіх кажу цяпер: «Супакой табе!»

Дзеля дому Госпада Бога нашага буду прасіць табе дабра.
 
Дзеля Дому ГОСПАДА, Бога нашага, буду шукаць дабра для цябе.