Псалтыр 95 псалом
Псалтыр
Пераклад Чарняўскага 2017 → Пераклад Антонія Бокуна
Прыходзьце, узрадуемся Госпаду; уславім гучна Бога збаўлення нашага.
Хадземце, будзем радавацца ў ГОСПАДЗЕ, усклікаць Скале збаўленьня нашага!
Успрымем загадзя аблічча Яго, у вызнанні і ў псальмах гучна ўславім Яго.
Станьма перад абліччам Ягоным з падзякаю, гімны ўсклікайма Яму!
Бо вялікі Госпад і вялікі валадар над усімі багамі.
Бо ГОСПАД ёсьць Бог вялікі і Валадар вялікі над усімі багамі.
Бо ў руцэ Яго глыбіні зямныя і вышыні горныя — у Яго.
У руцэ Ягонай глыбіні зямлі, і Ягоныя вяршыні найвышэйшыя гор.
Бо ў Яго — мора, і Ён стварыў яго, і сушу яго рукі сфармавалі.
Ягонае мора, бо Ён яго ўчыніў, і сухазем’е рукі Ягоныя ўкшталтавалі.
Прыходзьце, паклонімся, і ўкленчым, схілім калені перад Госпадам, Які стварыў нас,
Прыйдзіце, паклонімся і ўпадзем, укленчым перад абліччам ГОСПАДА, Творцы нашага!
бо Ён ёсць Бог наш, мы ж народ пашы Яго і авечкі рукі Яго. О, каб вам сёння
Бо Ён — Бог наш, а мы — народ чарады Ягонай і авечкі рукі Ягонай. Сёньня, калі пачуеце голас Ягоны:
паслухаць голас Яго: не закамяняйце сэрцаў вашых,
«Не рабіце цьвёрдымі сэрцы вашыя, як у Мэрыве, як у дзень выпрабаваньня ў пустыні,
як у Мэрыбе, як у дзень спакушэння ў Масе ў пустыні, дзе спакушалі Мяне бацькі вашы: выпрабоўвалі Мяне, хоць і бачылі справы Мае.
дзе бацькі вашыя выпрабоўвалі Мяне, спакушалі Мяне, хоць і бачылі справы Мае!
Сорак гадоў надакучала Мне гэтае пакаленне, і сказаў Я: «Яны — народ аблудных сэрцам. І яны не пазналі шляхоў Маіх;
Сорак гадоў Я брыдзіўся пакаленьнем гэтым, і Я сказаў: “Яны — народ, што блукаецца сэрцам, і яны не спазналі шляхоў Маіх”.
дык пакляўся Я ў гневе Маім; не ўвойдуць яны ў супачынак Мой».
Дык Я прысягнуў у гневе Маім, што яны ня ўвойдуць у супачынак Мой».
