Псалтыр 47 псалом

Псалтыр
Пераклад Чарняўскага 2017 → Пераклад Антонія Бокуна

 
 

Кіраўніку хору. Сыноў Корэ. Псальм.
 
Кіраўніку хору. Сыноў Караха. Псальм.

Усе народы пляскайце ў далоні, слаўце Бога голасам радасці.
 
Усе народы, пляскайце рукамі, усклікайце Богу голасам радасьці!

Бо Госпад — найвышэйшы, страшны, магутны Валадар над усёй зямлёй.
 
Бо страшны ГОСПАД Найвышэйшы, Валадар вялікі над усёй зямлёю.

Ён падначальвае нам народы і плямёны пад нашы ногі.
 
Ён скарыў народы, і [кінуў] паганаў пад ногі нашыя.

Выбраў Ён для нас спадчыну нашу, хвалу Якуба, якога палюбіў.
 
Ён выбраў для нас спадчыну нашую, гонар Якуба, якога Ён палюбіў. (Сэлях)

Уваходзіць Бог між радасці і Госпад пры гуку трубы.
 
Узьняўся Бог з гукам гучным, ГОСПАД [узьняўся] пры голасе трубы.

Спявайце Богу, спявайце. Спявайце Валадару нашаму псальмы.
 
Выслаўляйце Бога, выслаўляйце! Выслаўляйце Валадара нашага, выслаўляйце!

Бо Валадар усёй зямлі — Бог, спявайце ж з мудрасцю.
 
Бо Валадар над усёй зямлёй — [гэта] Бог; выслаўляйце [Яго] з разуменьнем.

Бог валадарыць над народамі, Бог сядзіць на пасадзе Сваім святым.
 
Валадарыць Бог над усімі народамі; Бог сядзіць на пасадзе сьвятасьці Сваёй.

Князі народаў сышліся з народам Бога Абрагамава, бо шчыты зямныя — у Бога: Ён узвысіўся вельмі высока.
 
Магнаты народаў сабраліся разам з народам Бога Абрагама, бо шчыты зямлі — Божыя; Ён высока ўзьняты.