Псалтыр 121 псалом
Псалтыр
Пераклад Чарняўскага 2017 → Пераклад Антонія Бокуна
Песня ўзыходжання. Падымаю свае вочы на горы: адкуль мае прыйсці мне дапамога?
Сьпеў узыходжаньня. Узьнімаю я вочы мае да гораў, адкуль прыйдзе да мяне дапамога.
Дапамога мая ў Госпада, Які стварыў неба і зямлю.
Дапамога мая ад ГОСПАДА, Які стварыў неба і зямлю.
Не дасць Ён пахіснуцца тваёй назе, не задрэмле Той, Хто пільнуе цябе.
Ён ня дасьць пахіснуцца назе тваёй, не задрэмле Той, Які захоўвае цябе.
Вось жа не задрэмле і не заспіць Той, Хто пільнуе Ізраэль.
Сапраўды, не задрэмле і ня будзе спаць Той, Які захоўвае Ізраіля.
Госпад пільнуе цябе, Госпад — шаты твае праваруч цябе.
ГОСПАД — Той, Які захоўвае цябе, ГОСПАД — цень твой праваруч цябе.
Сонца не зашкодзіць табе днём, ані ноччу месяц.
Удзень сонца ня ўдарыць цябе, ані месяц уначы.
Госпад будзе пільнаваць цябе ад усялякага ліха; пільнаваць будзе душу тваю Госпад.
ГОСПАД будзе захоўваць цябе ад усякага зла, будзе душу тваю Ён захоўваць.
Госпад будзе пільнаваць выхад твой і ўваход твой ад гэтага часу і навечна.
ГОСПАД будзе захоўваць выхад твой і ўваход твой ад цяпер і на вякі.
