Псалтыр 66 псалом

Псалтыр
Пераклад Чарняўскага 2017 → Пераклад Антонія Бокуна

 
 

Кіраўніку хору. Песня. Псальм. Усклікайце радасна да Бога, кожная зямля,
 
Кіраўніку хору. Сьпеў. Псальм. Радасна гукай для Бога, уся зямля!

псальм спявайце славе імя Яго, услаўляйце славу Яго.
 
Сьпявайце славу імя Ягонага, узносьце славу і хвалу Яму!

Кажыце Богу: «Якія ж [неспасцігальна] страшныя справы Твае!» Дзеля велічнасці моцы Тваёй будуць падлашчвацца да Цябе непрыяцелі Твае.
 
Кажыце да Бога: «Які Ты страшны ў дзеяньнях Тваіх! Дзеля вялікасьці моцы Тваёй падпарадкоўваюцца Табе ворагі Твае.

Кожная зямля паклоніцца Табе і будзе спяваць псальмы Табе, праспявае псальм імю Твайму.
 
Уся зямля паклоніцца Табе і будзе выслаўляць Цябе, будзе выслаўляць імя Тваё». (Сэлях)

Прыйдзіце і паглядзіце на справы Божыя, [неспасцігальна] страшны Ён у вынаходніцтвах над сынамі чалавечымі!
 
Хадзеце і паглядзіце на дзеяньні Бога, страшнага ва ўчынках [Сваіх] адносна сыноў чалавечых.

Пераўтварыў Ён мора ў сушу, і па рацэ перайдуць пехатою; там узвесялімся мы ў Ім.
 
Ён перамяніў мора ў сухазем’е, праз раку мы перайшлі пехатою; там радаваліся мы ў Ім!

Ён валадарыць у магуцці Сваім вечна, вочы Яго пазіраюць на народы, бунтаўнікі хай не ўзвышаюцца самі ў сабе.
 
Ён пануе ў магутнасьці Сваёй на вякі; вочы Ягоныя сочаць за народамі, каб бунтаўнікі не вывышаліся перад Ім. (Сэлях)

Дабраславіце, народы, Бога нашага, і ўчыніце, каб пачуты быў голас хвалы Яго;
 
Дабраслаўляйце, народы, Бога нашага, і няхай будзе чутны голас хвалы Ягонай.

Ён прыклаў душу нашу да жыцця і не выдаў на хістанне ногі нашы.
 
Ён дараваў жыцьцё душы нашай і ня даў пахіснуцца назе нашай.

Бо Ты праверыў нас, Божа наш, агнём нас выпрабаваў, як выпрабоўваюць срэбра.
 
Бо Ты выспрабаваў нас, Божа! Ачысьціў нас, як ачышчаецца срэбра.

Увёў Ты нас у пастку, усклаў беды на спіну нашу.
 
Ты ўвёў нас у пастку, сьціснуў цяжкімі путамі сьцёгны нашыя.

Насадзіў Ты людзей на галовы нашы, прайшлі мы праз агонь і ваду, і вывеў Ты нас да палёгкі.
 
Ты пасадзіў чалавека на галовы нашыя; мы прайшлі праз агонь і ваду, і Ты вывеў нас на прастор.

Увайду я ў дом Твой з цэласпаленнямі; аддам Табе абяцанні мае,
 
Увайду ў Дом Твой з цэласпаленьнямі, споўню Табе абяцаньні мае,

якія прараклі вусны мае і прамовіў язык мой у бядзе маёй.
 
якія прамовілі губы мае, і сказаў я вуснамі маімі ў бядзе маёй.

Тлустыя цэласпаленні прынясу я Табе з ахвяраваннем бараноў, прынясу Табе быкоў з казламі.
 
Цэласпаленьні з тлустых [авечак] прынясу Табе з дымам баранаў; дам [Табе] валоў і казлоў. (Сэлях)

Прыйдзіце, паслухайце, што я распавяду, вы ўсе, што шануеце Бога, — што ўчыніў Ён для душы маёй.
 
Хадзеце, паслухайце, і я раскажу ўсім, хто Бога баіцца, што Ён учыніў для душы маёй.

Да Яго паклікаў я вуснамі маімі і ўзвялічыў языком маім.
 
Да Яго я клікаў вуснамі маімі, і ўзьвялічваньне было на языку маім.

Калі ж схіліўся б я да несправядлівасці ў сэрцы сваім, то не выслухае Госпад.
 
Калі б я глядзеў на нягоднае ў сэрцы маім, Госпад мяне б не пачуў!

Таму выслухаў Бог, звярнуў увагу на маленне маё. малітвы маёй і [не аддаліў] міласэрнасці Сваёй ад мяне.
 
Але Бог пачуў і зьвярнуў увагу [Сваю] на голас малітвы маёй.