Псалтыр 6 псалом

Псалтыр
Пераклад Чарняўскага 2017 → Пераклад Антонія Бокуна

 
 

Кіраўніку хору. Для струнных іструментаў. На актаву. Псальм Давідаў.
 
Кіраўніку хору: на струнных інструмэнтах, на актаву. Псальм Давіда.

Госпадзе, не выкрывай мяне ў гневе Тваім, і не асуджай мяне ў абурэнні Тваім.
 
ГОСПАДЗЕ, у гневе Тваім не карай мяне і ў ярасьці Тваёй не вучы мяне!

Пашкадуй мяне, Божа, бо я кволы; ацалі мяне, Божа, бо трасуцца косці мае.
 
Зьлітуйся нада мною, ГОСПАДЗЕ, бо я нядужы; аздараві мяне, ГОСПАДЗЕ, бо трымцяць косткі мае,

І душа мая надта ўстрывожана, а Ты, Госпадзе, дакуль жа?
 
і душа мая трымціць вельмі. О, ГОСПАДЗЕ, дакуль?

Павярніся, Госпадзе, вызвалі душу маю; уратуй мяне дзеля міласэрнасці Тваёй.
 
Павярніся, ГОСПАДЗЕ, выратуй душу маю, збаў мяне дзеля міласэрнасьці Тваёй!

Бо не ёсць у смерці той, хто помніць Цябе, а ў пекле хто ж будзе Цябе славіць?
 
Бо ў сьмерці няма памяці пра Цябе, і ў пекле хто будзе славіць Цябе?

Замучыўся я ў стагнанні маім, штоноч абмываў я ложак свой, слязьмі сваімі пасцель сваю паліваў.
 
Я зьнямогся ад уздыханьня майго; штоноч паліваю я ложак мой, сьлязьмі паліваю пасьцель маю.

Змарнела ў жальбе вока маё, састарэў я сярод усіх непрыяцеляў маіх.
 
Ад тугі высахла вока маё, састарэлася праз усіх, хто ўціскае мяне.

Адступіцеся ад мяне ўсе тыя, што чыніце злачынства, бо Госпад пачуў голас плачу майго.
 
Адступіцеся ад мяне, усе злачынцы, бо ГОСПАД пачуў голас плачу майго.

Госпад пачуў маленне маё, бо прыняў Госпад малітву маю.
 
ГОСПАД пачуў маленьне маё, ГОСПАД прыняў малітву маю.

Хай жа пасаромяцца і будуць моцна стурбаваныя ўсе непрыяцелі мае; няхай навернуцца і пасаромяцца вокамгненна.
 
Няхай будуць асаромленыя ворагі мае і няхай затрымцяць моцна, няхай павернуцца назад і будуць імгненна асаромленыя.