Псалтыр 137 псалом
Псалтыр
Пераклад Чарняўскага 2017 → Пераклад Антонія Бокуна
Над рэкамі Бабілона, там сядзелі мы і плакалі, калі ўспаміналі Сіён.
Каля рэк Бабілонскіх сядзелі мы там і плакалі, Сыён успамінаючы.
На вербах пасярод яго павесілі мы свае цытры.
На вербах сярод яго мы павесілі гусьлі нашыя.
Бо там тыя, што завялі нас у палон, прасілі песень у нас і тыя, што крыўдзілі нас, — радасці: «Паспявайце нам якую песню Сіёнскую!»
Бо там тыя, што нас паланілі, жадалі ад нас словаў песьні, і нішчыцелі нашыя — радасьці: «Засьпявайце нам нешта з песьняў Сыёнскіх!»
Як жа мы будзем спяваць песню Госпадаву ў чужой зямлі?
Як жа сьпяваць нам сьпеў ГОСПАДА ў зямлі чужой?
Калі б забыўся я пра цябе, Ерузалім, хай забудуся пра правіцу маю.
Калі я забудуся пра цябе, Ерусаліме, няхай забудзецца пра мяне правіца мая!
Хай прысохне язык мой да глоткі маёй, калі я не ўспомню пра цябе, калі я не пастаўлю Ерузалім на чале весялосці маёй.
Няхай язык мой прыліпне да паднябеньня майго, калі я ня буду памятаць пра цябе, калі не ўзьніму Ерусалім па-над найвышэйшую радасьць маю!
Нагадай, Госпадзе, сынам Эдомавым дні Ерузаліма; яны гаварылі: «Спусташыце, спусташыце яго аж да падмурка».
Прыгадай, ГОСПАДЗЕ, сынам Эдому дзень Ерусаліму, калі яны казалі: «Руйнуйце яго, руйнуйце аж да падвалінаў!»
Дачка Бабілона — спусташальніца, шчасны той, хто аддасць табе адплату тваю, якую ты нам заплаціла;
Дачка Бабілону, ты будзеш зруйнаваная! Шчасьлівы той, хто адплаціць табе за тое, што ты нам зрабіла!
шчасны, хто схопіць і паб’е дзяцей тваіх аб камень.
Шчасьлівы той, хто немаўлятаў тваіх схопіць і паб’е аб скалу.
