Псалтыр 67 псалом
Псалтыр
Пераклад Чарняўскага 2017 → Пераклад Антонія Бокуна
Кіраўніку хору. На струнах. Псальм. Песня.
Кіраўніку хору: на струнных інструмэнтах. Псальм. Сьпеў.
Хай злітуецца Бог над намі і падабраславіць нас; хай пралье святло аблічча Свайго над намі,
Божа, зьлітуйся над намі і дабраславі нас; асьвяці нас абліччам Тваім, (Сэлях)
каб пазналі на зямлі шлях Твой, між усіх народаў — збаўленне Тваё.
каб на зямлі мы пазналі шлях Твой, між усімі народамі — збаўленьне Тваё.
Хай вызнаюць Цябе народы, Божа; хай вызнаюць Цябе народы ўсе.
Тады будуць славіць народы Цябе, Божа, будуць славіць Цябе ўсе народы.
Хай весяляцца і радуюцца народы, бо Ты судзіш народы ў справядлівасці і кіруеш людам на зямлі.
Будуць весяліцца і радавацца ўсе народы, бо Ты будзеш судзіць народы справядліва і будзеш весьці народы на зямлі. (Сэлях)
Хай вызнаюць Цябе народы, Божа, хай вызнаюць Цябе народы ўсе.
Тады будуць славіць народы Цябе, Божа, будуць славіць Цябе ўсе народы.
Зямля дала плод свой; хай дабраславіць нас Бог, Бог наш,
Зямля дасьць ураджай свой; няхай дабраславіць нас Бог, Бог наш!
хай дабраславіць нас Бог, і няхай баяцца Яго ўсе канцы зямлі.
Няхай дабраславіць нас Бог, і няхай баяцца Яго ўсе канцы зямлі!