Псалтыр 67 псалом
Псалтыр
Пераклад Сабілы і Малахава → Пераклад Антонія Бокуна
Кіраўніку хору. Са струннай ігрой. Псальм. Песьня.
Кіраўніку хору: на струнных інструмэнтах. Псальм. Сьпеў.
Хай Бог будзе да нас літасьцівы і багаславіць нас. Хай Ён асьвятлíць нас сьвятлом Аблічча Свайго; Зэля,
Божа, зьлітуйся над намі і дабраславі нас; асьвяці нас абліччам Тваім, (Сэлях)
каб пазналі на зямлі шлях Твой, між усіх народаў збаўленьне Тваё.
каб на зямлі мы пазналі шлях Твой, між усімі народамі — збаўленьне Тваё.
Хай вызнаюць Цябе народы, Божа, хай вызнаюць Цябе народы ўсе.
Тады будуць славіць народы Цябе, Божа, будуць славіць Цябе ўсе народы.
Хай радуюцца ды ўрачыста радуюцца народы, бо Ты су́дзіш людзей у справядлівасьці, і Ты кіруеш на зямлі народамі. Зэля.
Будуць весяліцца і радавацца ўсе народы, бо Ты будзеш судзіць народы справядліва і будзеш весьці народы на зямлі. (Сэлях)
Хай вызнаюць Цябе народы, Божа, хай вызнаюць Цябе народы ўсе.
Тады будуць славіць народы Цябе, Божа, будуць славіць Цябе ўсе народы.
Зямля дала́ плод свой. Хай багаславіць нас Бог, Бог наш.
Зямля дасьць ураджай свой; няхай дабраславіць нас Бог, Бог наш!
Хай багаславіць нас Бог, і хай збаяцца Яго ўсе канцы зямлі.
Няхай дабраславіць нас Бог, і няхай баяцца Яго ўсе канцы зямлі!
