Псалтыр 116 псалом
Псалтыр
Пераклад Сабілы і Малахава → Пераклад Антонія Бокуна
Я люблю (Ягову), бо Ягова пачуў голас мой, маленьні мае,
Люблю ГОСПАДА, бо Ён пачуў голас мой і маленьне маё,
бо Ён нахіліў Вуха Сваё да мяне. Дык буду прыклікаць Яго ўва ўсе мае дні.
бо Ён прыхіліў да мяне вуха Сваё ў дзень, калі я клікаў [Яго].
Путы сьмерці абхапілі мяне, і мукі пякельныя знайшлі мяне. Я знайшоў гора і бяду.
Ахапілі мяне путы сьмерці; мукі пякельныя адшукалі мяне; я знайшоў трывогу і смутак.
Але я прыклікаў Імя Яговы: «О, Ягова, дай душы маёй уцячы!»
І паклікаў я імя ГОСПАДА: «Выратуй, прашу, ГОСПАДЗЕ, душу маю!»
Багадатны ёсьць Ягова і Праведны, і Бог наш спачувальны.
Літасьцівы ГОСПАД і праведны, наш Бог міласьцівы.
Ягова ёсьць Ахоўнік прастадушных. Я быў зьнямагаючым, але Ён выратаваў мяне.
ГОСПАД захоўвае неразумных; і калі зьнемагаю, Ён ратуе мяне.
Вярніся, душа мая, у спакой твой, бо Ягова зрабіў табе добрае.
Вярніся, душа мая, да супачынку твайго, бо ГОСПАД робіць добрае табе.
Бо Ты вызваліў душу маю ад сьмерці, вочы мае — ад сьлёзаў, нагу маю — ад спатыканьня.
Бо Ты выратаваў душу маю ад сьмерці, вочы мае — ад сьлёзаў, ногі мае — ад падзеньня.
Я буду хадзіць перад Абліччам Яговы ў землях жывых.
Буду хадзіць перад абліччам ГОСПАДА ў зямлі жывых.
Я веру, таму я гавару: «Я ёсьць вельмі прыніжаны».
Я веру, дык гавару: «Я моцна прыгнечаны».
Я сказаў у пасьпешлівасьці маёй: «Усе людзі ілгуць».
Я сказаў у зьбянтэжанасьці маёй: «Усе людзі хлусяць!»
Як я аддзячу Ягове за ўсе Ягоныя дабрадзеі да мяне?
Што я вярну ГОСПАДУ за ўсе дабрадзействы Ягоныя для мяне?
Я ўзьніму келіх збаўленьня, і я прыклічу Імя Яговы.
Келіх збаўленьня ўзьніму і імя ГОСПАДА буду клікаць.
Абяцаньні мае я аддам Ягове перад усім народам Ягоным.
Абяцаньні мае ГОСПАДУ споўню перад усім народам Ягоным.
Дарагая ёсьць у Вачах Яговы сьмерць Ягоных сьвятых.
Каштоўная ў вачах ГОСПАДА сьмерць багабойных Ягоных.
О Ягова! я слуга Твой. Я слуга Твой, сын Тваёй служанкі. Ты разамкнуў мае кайданы.
О ГОСПАДЗЕ! Я ж — слуга Твой, я — слуга Твой, сын служкі Тваёй! Ты разьбіў кайданы мае.
Я ахвярую Табе ахвяру ўдзячнасьці, і прыклікаю Імя Яговы.
Табе ахвярую ахвяру падзякі і імя ГОСПАДА буду клікаць.
Абяцаньні мае я аддам Ягове перад усім народам Ягоным,
Абяцаньні мае ГОСПАДУ споўню перад усім народам Ягоным,
у панадворках Дому Яговы, сярод цябе, Ярузаліме. Хваліце вы Ягову!
у панадворках Дому ГОСПАДА, пасярод цябе, Ерусаліме! Альлелюя!
