Псалтыр 113 псалом
Псалтыр
Пераклад Сабілы і Малахава → Пераклад Антонія Бокуна
Хваліце вы Ягову! Хваліце (вы), слугі Яговы, хваліце Імя Яговы.
Альлелюя! Хвалеце, слугі ГОСПАДА, хвалеце імя ГОСПАДА!
Хай будзе багаславёна Імя Яговы ад цяпер і на векі вякоў.
Няхай будзе дабраслаўлёнае імя ГОСПАДА ад цяпер і на вякі!
Ад усходу сонца да захаду ягонага хай будзе праслаўлена Імя Яговы.
Ад усходу сонца да захаду яго няхай будзе хвалёнае імя ГОСПАДА!
Высока над усімі народамі ёсьць Ягова, над нябёсамі Слава Ягоная.
Узьвялічаны ГОСПАД над усімі народамі; па-над нябёсы слава Ягоная.
Хто ёсьць як Ягова, Бог наш, Які валадарыць у вышынí,
Хто як ГОСПАД, Бог наш, Які жыве ў вышыні
Які сьхіляецца, каб агледзіць неба і зямлю,
і схіляецца, каб паглядзець на неба і зямлю;
што з пылу падыймае ўбогага, узвышае з гною таго, хто ў вялікай патрэбе,
Які з пылу падымае гаротніка, з гною ўзносіць беднага,
каб пасадзіць яго з князямі, з князямі Ягонага народу,
каб пасадзіць яго сярод магнатаў, сярод магнатаў народу Свайго;
Які няплодную ўсяляе ў дом, як радасную матку сыноў. Хваліце вы Ягову!
Які бясплодную садзіць у доме як маці, якая радуецца сынам [сваім]? Альлелюя!
