Псалтыр 147 псалом
Псалтыр
Пераклад Сабілы і Малахава → Пераклад Антонія Бокуна
Хваліце вы Ягову! Бо гэта добра Богу нашаму сьпяваць і іграць, бо гэта прыемная, належная хвала.
Хвалеце ГОСПАДА, бо Ён добры; выслаўляйце Бога нашага, бо прыемна гэта. Хвала належыць Яму!
Ягова будуе Ярузалім. Ён зьбірае выгна́нцаў Ізраэля.
ГОСПАД будуе Ерусалім, зьбірае выгнанцаў Ізраіля.
Ён лечыць зламаных сэрцам, перавязвае іхныя раны.
Ён лечыць скрышаных сэрцам і перавязвае раны іхнія.
Ён зьлічвае лік зорак. Ён называе іх усіх пайменна.
Ён вызначае лік зоркам, кожную імем яе называе.
Вялікі наш Госпад і багаты на сілу, і Розум Ягоны нявымерны.
Вялікі Госпад наш і багаты сілай, розум Ягоны меры ня мае.
Ягова падтрымлівае пакорных, а бязбожных Ён прыгінае да зямлі.
ГОСПАД дапамагае ўцісканым, бязбожнікаў да зямлі паніжае.
Сьпявайце Ягове хвалебную песьню, грайце Богу нашаму на гарпе,
Адкажыце ГОСПАДУ падзякай, выслаўляйце Бога нашага на гусьлях.
Які засьцілае неба хмарамі, Які рыхтуе для зямлі дождж, траву на гарах узрашчае,
Ён закрывае неба хмарамі, рыхтуе для зямлі дождж, узрошчвае траву на гарах,
Які жывёле дае ейную пашу, і груганятам, якія крычаць (аб ежы).
дае скаціне спажыву яе, і груганятам, што крычаць да Яго.
Ён мае ўпадабаньне ня ў сіле каня, і ня ногі мужчыны Яму даспадобы.
Ня ў сіле каня Ён мае ўпадабаньне і ня ногі мужа даспадобы Яму,
Ягова падабае тых, якія Яго баяцца, тых, якія спадзяюцца на Ягоную Міласэрнасьць.
але даспадобы ГОСПАДУ тыя, што баяцца Яго, што спадзяюцца на міласэрнасьць Ягоную.
Слаў, Ярузаліме, Ягову! Хвалі, Сыёне, твайго Бога,
Слаў ГОСПАДА, Ерусалім, хвалі Бога твайго, Сыёне!
бо Ён мацуе за́саўкі брамаў тваіх, сыноў тваіх багаслаўляе ў асяродку тваім,
Бо Ён умацаваў завалы брамаў тваіх, дабраславіў сыноў тваіх пасярод цябе.
Ён ўсталёўвае мір у межах тваіх, тукам пшаніцы насычае цябе,
Ён дае супакой у межах тваіх, тлустасьцю пшаніцы насычае цябе.
Ён пасылае Слова Сваё на зямлю, вельмі хутка бяжыць Ягонае Слова,
Ён спасылае слова Сваё на зямлю, вельмі хутка бяжыць пастанова Ягоная!
Ён сьнег дае, быццам воўну, сыпле іней, як попел,
Ён дае сьнег, быццам воўну, сыпле шэрань, як попел.
лёд Свой кíдае, як кавалачкі: хто можа выстаяць перад Ягоным марозам?
Ён кідае лёд Свой кавалкамі; перад марозам Ягоным хто можа ўстаяць?
Ён пасылае Слова Сваё і растапляе іх. Ён дзьме ветрам Сваім: цякуць воды.
Ён пасылае слова Сваё, і растапляецца [ўсё]; Ён павее ветрам Сваім, і воды цякуць.
Ён абвяшчае Слова Сваё Якубу, Статуты Ягоныя і Суды Ягоныя Ізраэлю.
Ён паведаміў слова, слова Сваё Якубу, пастановы Свае і суды Свае — для Ізраіля.
Ніякаму народу Ён гэтак ня зрабіў. І Судоў Ягоных яны ня ведаюць. Хваліце вы Ягову!
Не зрабіў такога ніводнаму народу, і судоў Ягоных не пазналі яны. Альлелюя!
