Псалтыр 108 псалом
Псалтыр
Пераклад Сабілы і Малахава → Пераклад Антонія Бокуна
Песьня. Псальм Давідавы.
Сьпеў. Псальм Давіда.
Сапраўды, гатовае сэрца маё (і) чэсьць мая, Божа. Я буду сьпяваць і іграць.
Умацаванае сэрца маё, Божа! Буду сьпяваць і выслаўляць [Цябе] ў славе маёй!
Паўстань псалтыр і гарпа! Я разбуджу сьвітаньне.
Збудзіцеся, псалтыр і гусьлі! Я пабуджу сьвітаньне!
Я буду вызнаваць хвалу Табе, Ягова, між народаў, і пяяць Табе і славіць Цябе між плямёнаў,
Буду славіць Цябе сярод людзей, ГОСПАДЗЕ, і буду выслаўляць Цябе сярод народаў,
бо вышэй за нябёсы Міласэрнасьць Твая, і Праўда Твая — да аблокаў.
бо па-над неба вялікая міласэрнасьць Твая, і праўда Твая — да аблокаў.
Будзь узьнясёны над нябёсамі, Божа! І Слава Твая хай будзе над усёй зямлёй.
Узьвялічся па-над неба, Божа, і па-над усёй зямлёй [няхай будзе] слава Твая!
Так што каб былі вызвалены ўлюбляныя Твае, выратуй Ты Правіцай Тваёй і адкажы мне.
Каб былі ўратаваныя ўмілаваныя Твае, збаў правіцай Тваёй і адкажы мне!
Прамовіў Бог у Сьвятасьці Сваёй: «Я ўзьвесялюся. Разьдзялю Сыхэм, і даліну Сукот абмераю.
Бог сказаў у сьвятасьці Сваёй: «Я ўзрадуюся! Я падзялю Сыхем і даліну Сукот разьмераю.
Мой Галаад, Мой Манаса, і Яхрэм — крэпасьць Маёй Галавы; Юда — бэрла Маё.
Мой Гілеад, Мой Манаса, і Эфраім — моц галавы Маёй! Юда — заканадаўца Мой!
Мааб — умывальная шаля Мая; на Адом кіну абутак Мой; над Пілістэяй Я буду радавацца».
Мааў — міса для мыцьця Майго; на Эдом кіну сандалы Мае; над [зямлёй] Філістынскай радасна гукаць буду!»
Хто ўвядзе мяне да ўмацаванага места? Хто завядзе мяне да Адому?
Хто ўвядзе мяне ў горад умацаваны? Хто завядзе мяне ў Эдом?
Ці ня Ты, Божа, (Які) пакінуў нас, і ня выходзіш, Божа, з нашымі войскамі?
Ці ж ня Ты, Божа, нас пакінуў і не выходзіш, Божа, з войскамі нашымі?
Дай нам дапамогу ва ўціску, бо чалавечая дапамога ёсьць марнота.
Дай нам успамогу ў прыгнечаньні [нашым], бо марны ратунак чалавечы.
З Богам мы выявім магутнасьць, і Ён растопча нашых прыгнятальнікаў.
З Богам мы зьявім сілу, і Ён растопча прыгнятальнікаў нашых.
