Псалтыр 82 псалом
Псалтыр
Пераклад Сабілы і Малахава → Пераклад Антонія Бокуна
Псальм Асапавы. Бог стаіць у сходзе Бога. Ён чыніць суд сярод багоў.
Псальм Асафа. Бог стаіць на сходзе багоў, сярод багоў Ён судзіць:
«Дакуль вы будзеце судзіць нясправядліва і абліччам бязбожнікаў патураць? Зэля.
«Дакуль будзеце судзіць беззаконна і ўздымаць абліччы бязбожнікаў? (Сэлях)
Чыніце суд убогаму і сіраце. Прыгне́чанаму і ўбогаму акажыце справядлівасьць.
Судзіце беднага і сірату; убогага і бедака апраўдайце.
Ратуйце мізэрнага і ўбогага. Вызваляйце яго з рукі бязбожнікаў.»
Ратуйце беднага і гаротнага, з рукі бязбожнікаў вызваляйце!»
Яны ня ведаюць і ня разумеюць. Яны блукаюць у цемры. Хістаюцца ўсе падва́ліны зямлі.
Нічога ня ведаюць і не разумеюць, і ў цемры ходзяць; і захісталіся ўсе падваліны зямлі!
Я, Я сказаў: «Вы ёсьць богі, усе вы сыны Найвышэйшага.
Я сказаў: «Вы — богі, усе вы — сыны Найвышэйшага,
Але, сапраўды, вы памраце, як чалавек, і вы ўпадзеце, як адзін з князёў.»
аднак, вы памрацё, як людзі, упадзеце, як адзін з князёў».
Паўстань, Божа! судзі зямлю, бо Ты ўспадкуеш усіх паганаў.
Паўстань, Божа, судзі зямлю, бо Ты возьмеш у спадчыну ўсе народы.
