Псалтыр 82 псалом
Псалтыр
Пераклад Яна Станкевіча → Пераклад Антонія Бокуна
Псальма Асафова. Бог вартуе ў збору Божым, сярод багоў судзе:
Псальм Асафа. Бог стаіць на сходзе багоў, сярод багоў Ён судзіць:
«Пакуль будзеце судзіць несправядліва і шанаваць відзеньні нягодных? Сэля.
«Дакуль будзеце судзіць беззаконна і ўздымаць абліччы бязбожнікаў? (Сэлях)
Бараніце кволага а сірату, убогага а беднага апраўляйце;
Судзіце беднага і сірату; убогага і бедака апраўдайце.
Ратуйце кволага а гарапяку, з рукі нягодных ратуйце яго».
Ратуйце беднага і гаротнага, з рукі бязбожнікаў вызваляйце!»
Яны ня ведаюць ані сьцямяць, у цемні ходзяць; усі поды зямлі захісталіся.
Нічога ня ведаюць і не разумеюць, і ў цемры ходзяць; і захісталіся ўсе падваліны зямлі!
Я быў сказаўшы: «Вы — багове, і сынове Навышняга — усі вы.
Я сказаў: «Вы — богі, усе вы — сыны Найвышэйшага,
Але вы памрыце, як людзі, і паваліцеся, як кажны з князёў».
аднак, вы памрацё, як людзі, упадзеце, як адзін з князёў».
Паўстань, Божа, судзі зямлю, бо Табе спадуць усі народы.
Паўстань, Божа, судзі зямлю, бо Ты возьмеш у спадчыну ўсе народы.
